Sátin salǵanda jolaýshylar arasynda akýsher-dáriger men hırýrg bolǵan eken. Olar der kezinde kómek kórsetip, sábıdi aman-esen bosandyryp alǵan. Osyǵan baılanysty ekıpaj Islandııanyń Keflavık qalasyndaǵy rezervtik aerodromǵa shuǵyl qoný týraly sheshim qabyldapty. Ushaq sátti qonǵannan keıin, anasy men sábı jergilikti emhanaǵa jetkizilgen.
Robot bıshiler
Qultemirdiń qudireti tek óndiriste ǵana emes, mádenı jıyndarda da kórine bastady.
Qytaıdyń «CCTV» arnasy uıymdastyrǵan dýmandy keshte robottar myń buralǵan bıimen jınalǵan jurtshylyqty tań-tamasha qaldyrdy. «Iýshý tehnologııa» kompanııasy qurastyrǵan robottyń bıiktigi 180 santımetr bolsa, salmaǵy shamamen – 70 kılogramm. Mundaı tehnologııa bolashaqta «temir adamdar» ónerdiń túrli salasynda qoldanylýy múmkin ekenin dáleldeı túspek.
JI jasaǵan mýltfılm
«AiMation» atty brıtandyq stýdııa anımasııa áleminde jańa belesti baǵyndyrdy.
Jasandy zerde jasaǵan tolyqmetri mýltfılmniń ataýy – «Robottar qaıda ósedi?». Fılm uzaqtyǵy – 87 mınýt, ony jasaýǵa 9 adamnan turatyn komanda atsalysqan. Bul – ádettegi anımasııalyq jobalarmen salystyrǵanda aıtarlyqtaı az quram. Aıta keteıik, mýltfılm qazir «Youtube» platformasynda qoljetimdi.
