Kollajdy jasaǵan – Amangeldi Qııas, «EQ»
Qazaq baspasóziniń tarıhyna kóz júgirtsek, 1913 jyldyń 2 aqpanynda Ahmet, Álıhan, Mirjaqyp bastaǵan ult zııalylarynyń uıytqy bolýymen, Alash urandy dáýletti azamattardyń demeýshiligimen qazaqtyń tuńǵysh ulttyq qoǵamdyq-saıası jáne ádebı-mádenı basylymy «Qazaq» gazetiniń alǵashqy sany jaryq kórgen. Sol kúnnen bastap halyqtyń kózi, qulaǵy hám tili bolyp qalyptasqan ulttyq baspasóz salasy odan keıin de birqatar gazet-jýrnaldarmen tolyǵyp otyrdy. Saıası qysymǵa ushyraǵan olardyń ǵumyry qysqa bolsa da, keıingi býynǵa aıtarlyqtaı rýhanı mura qaldyrdy.
Mádenıet jáne aqparat mınıstrliginiń málimetine súıensek, búginde elimizde 4 802 BAQ tirkelgen eken (4 499 – otandyq, 303 – sheteldik). Solardyń ishindegi 2 981-i, ıaǵnı jartysynan astamy – merzimdi basylym. Onyń ishindegi 1 922-si – gazet, 1 059-y – jýrnal.
Árıne, keıingi jyldary aqparat aıdynyndaǵy ónimderdiń tehnologııalyq, taqyryptyq túrlenýine baılanysty buqaralyq aqparat quraldarynyń sıfrlyq damý dáýiri qarqyn aldy. Bul – álemdik úrdis, zamanaýı úderis. Gazet-jýrnaldardyń basymdyǵynyń burynǵydaı emes ekeni ras. Degenmen gazet-jýrnaldyń óz mıssııasy bar. Aqparattyq sıfrlyq júıeniń alǵa ozǵany aqıqat desek te, baspasózdiń adamzatqa áli talaı qyzmet eteri de haq.
