KÚLKI KERÝENI №15

Ázil-ospaq, syn-syqaq buryshy    Bólimdi  jazýshy-satırık Berik Sadyr júrgizedi   BIRDE... Bir áıel ta­nys jazý­shydan Fran­sýaza Sa­gan­nyń kitabyn oqyǵan-oqy­ma­ǵanyn surapty. – Asy­ǵy­ńyz, oq­yp shyq­qa­nyńyz jón, – depti áıel ony áli oqy­ma­ǵa­nyn estip.  – Ro­man­nyń shyqqanyna attaı úsh aı boldy! – Al siz Danteniń «Qudiretti komedııasyn» oqydyńyz ba? – dep qarsy suraq qoıypty jazýshy. – «Joq» deısiz be? Asyq­qanyńyz jón. Ol kitaptyń shyq­qanyna 600 jyldan asyp ketti… *** Bir ortańqol akter Bernard Shoýǵa kelip, teatr dırektoryna ózi týraly minezdeme jazyp berýdi surapty. Shoý iltıpatpen, asyqpaı otyryp bylaı dep jazypty: «Akterdi jumysqa alýǵa keńes beremin. Ol Gamletti, Romeony, Sheılokty somdady. Kúısandyqta, fleıtada, sosyn bılıard oınaı alady. Ásirese, eń sońǵysyn óte jaqsy oınaıdy». *** Ataqty ánshi Shalıapınniń Petr esimdi qyzmetshisi — ózin-ózi mártebeli sanaıtyn tákappar kisi bolsa kerek. Birde Shalıapın Berlınde saparda bolǵanda bir jýrnalıst ánshiden ıntervıý alýǵa kómektesýin ótingende Petr: — Qojaıynym kıinip jatyr, sizdi qabyldaı qoıýǵa múmkindigi joq. Ol kisiniń bar isinen habarym bolǵandyqtan, qajet bolsa men-aq ıntervıý berýge barmyn, — deıdi. — Onda, Shalıapın myrzanyń jaqyn kúnderdegi josparynan habardar etpes pe ekensiz? — Mılanǵa jınalyp jatyrmyz, onda Mefıstofeldi shyrqaımyz. Odan ári Londonda bolyp, korol saraıynda úlken konsert qoıamyz. ...Osy tústa ekinshi kabattyń balkonyna shyǵa qalǵan ataqty ánshi qyzmetkerine: — Bári durys-aq. Petr aınalaıyn, tek Mılan men Londonǵa keterde meni de ala ketýdi umytpa, — degen eken. *** Sahnaǵa jańadan shyǵyp júrgen, biraq ózin óte qabilettimin dep oılaıtyn bir akter spektakl aıaqtalǵannan keıin orystyń uly tragıgi N.Rybakovqa: — Qalaı, sońǵy kóriniste Dezdemonany jaqsy óltirdim be? — degende: — Sóz bar ma, biraq maǵan Shekspırdi óltirgeniń kóbirek unaıdy, — depti.   *Shetel ázili KÚRDELI MÁSELE Jumysqa   kirise   bergenimde kúregimniń saby syndy da qaldy. Synyqtaryn jınap alyp, qoımashyǵa keldim. — Kórdiń be, Fero, ne bolǵanyn? Maǵan basqa kúrek kerek. — Qane-e! Shynynda da synǵan eken. Basqa deısiń be? Tapsyrysyń bar ma? — Qaıdaǵy zaıavka?!

• Sheberden.

Sheberge keldim. Ol: — Árıne, saǵan kúrek berilýi kerek. Tek qurylys bastyǵynan ulyqsat alyp kelseń boldy, — dedi. — Ulyqsat?! — Ie, joǵarydan osyndaı nusqaý túsken. Qural-saımandy únemdeý kerek. Jańasy tek qurylys bastyǵynyń kelisimimen beriledi. Onsyz eshteńe shyqpaıdy... Qurylys bastyǵy qolyn siltelep : — Ne qylǵan ulyqsat? — dedi. — Toqsandyq syılyqty bóliser aldynda bundaı jaýapkershilikti moınyma ala almaımyn. Bas ınjener buıryq shyǵarsa ǵana... Bas ınjener oılanyp qaldy. — Bilesiz be, bul óte kúrdeli nárse... Kúrektiń synǵan sabyn qolyma ustap kirip barǵanymda, kabınetinde otyrǵan trest bastyǵy áýeli shoshyp ketti, biraq sońynan istiń mán-jaıyn túsingennen keıin qol astyndaǵy baǵynyshty bastyqtardyń bárin ózine shaqyrtyp aldy. Kúrek máselesi jóninde tehnıka qaýipsizdigi referenti, órt sóndirýshiler bastyǵy, qamsyzdandyrý bóliminiń bastyǵy, áleýmettik máseleler jónindegi referent jáne de basqa jaýapty joldastar shyǵyp sóılep, óz oılaryn ortaǵa saldy. Uzaq aıtys-tartystan keıin problema sheshimin tapty. Dırektor bas ınjenerge telefon soqty, ol qurylys bastyǵyna nusqaý berdi, qurylys bastyǵy masterge buıyrdy, master zaıavkige qol qoıdy, al qoımashy jańa kúrekti qolyma ustatty. Sóıtip, qolym jetken jeńiske masattanyp, kúrekti jerge qadaı shanyshtym... Sol kezde jumys kúniniń aıaqtalǵanyn bildirgen qońyraý da soǵyldy. Lıýdomır kLIMAK.        «Qyzyl kitapqa» kirgen qyzyl sóz

• Kúıeýiniń aılyǵyn sanamaı-aq ámııanyna sala salǵan áıel azamat.
• Qala ishindegi quıryq basar bos orny bar kópshilik minetin kólik.
• Tıynyńdy qaıtaryp beretin taksıst.
• Kemshiligin kórip te, terip te kórsetken qyzmetkerine shyn kóńilden rıza bolatyn bastyq.
• Shyǵarmalarymnyń nasharlyǵynan gazet-jýrnalǵa shyǵa almaı júrmin dep oılaıtyn jazýshy.
• Enesin sheshesinen de artyq syılaıtyn kelin.
• Araqsyz ótken quda-jekjattyń arnaıy bas qosýy.
• Birde-bir ajyrasýsyz, tatý-tátti turyp jatqan otbasy bar aýdan.
• Esh nárse  almaı, bergennen bezgek tıgendeı bezip, tek qudaı quly retinde tegin qyzmet qylatyn molda.
• Úshtik baǵa qoımaıtyn muǵalim.
• Sheshesine áıelin maqtap áńgime aıtatyn erkek.
• Lotoreıadan kezdeısoq utyp alǵan «Volga» mashınasyn – bul ádiletsizdik dep ókimetke qaıtaryp bergen azamat.

KIREB.