Sýret: senate.parlam.kz
Is-shara kedendik ákelý bajdarynyń somasyn bólý úderisinde týyndaıtyn ózekti máseleler men problemalardy talqylaý jáne osy rásimderdi jetildirý boıynsha usynystar ázirleý maqsatynda uıymdastyryldy.
EAEO elderiniń qarjy turaqtylyǵy men ekonomıkalyq ál-aýqatynda ákelý bajdaryn esepke alý jáne bólý máselesi mańyzdy ról atqarady. Alaıda sheshýdi talap etetin máseleler bar. Olardyń ishinde múshe memleketterdiń bıýdjetterine baj somasynyń bólinbeýi, qate aýdarylǵan qarjyny qaıtarý jáne kiristerdi bólýdegi teńgerimsizdik, ásirese Qazaqstan sııaqty iri syrtqy saýda aǵyny bar elderge baılanysty problemalar bar.
Is-sharaǵa Joǵary aýdıtorlyq palatanyń, qarjy, ulttyq ekonomıka, sondaı-aq saýda jáne ıntegrasııa mınıstrlikteriniń ókilderi qatysty. Qatysýshylar talqylaý barysynda memlekettik organdar ókilderiniń sóılegen sózin tyńdady jáne usynystar men usynymdardy talqylady. Sondaı-aq bajdy qabyldaý jáne bólý rásimderin jaqsartý múmkindikteri qaraldy.
Jer qoınaýyn paıdalaný salasyndaǵy 2010 jylǵy 1 shildege deıin jasalǵan kelisimsharttar jáne olardyń bajdardy esepke alý úrdisine áserine erekshe nazar aýdaryl-
dy.
Talqylaý barysynda aıtylǵan usynystar men eskertýlerge taldaý jasaldy. Olar dóńgelek ústel qorytyndysy boıynsha usynymdar toptamasyna engiziledi.
