Infografıkany jasaǵan – Záýresh SMAǴUL ,«EQ»
Memleket basshysynyń aıtyp otyrǵany – 2020 jyly qabyldanǵan «Aýyldyq aýmaqtardy damytý» tujyrymdamasy. Buǵan deıin árbir joba jeke-jeke júzege asyrylyp kelse (ınfraqurylymdy damytý, bilim berý, ekonomıka salasyndaǵy jobalar), qazir olardyń barlyǵy birtutas tujyrymdama aıasynda qamtylyp, iske asyrylýy sol qujat negizinde baǵalanyp, qadaǵalanyp otyr. Bul – tıimdilik pen úılesimdilikti arttyrýǵa baǵyttalǵan mańyzdy qadam.
Aldaǵy ýaqytta aýyldy damytýǵa baǵyttalǵan is-sharalarda ártúrli salaǵa qatysty jobalardyń bir-birimen úılesýine erekshe nazar aýdarylady. Buǵan deıin bul jobalar óz aldyna jeke júzege asyrylyp kelse, endi olardyń ózara úılesimdiligin arttyrý sharalary qolǵa alynyp jatyr. Mysaly, «Aýyl – el besigi» baǵdarlamasy aıasynda ınfraqurylymdyq jobalar endi «Aýyl amanaty» baǵdarlamasy iske asyrylyp jatqan aýyldarǵa basymdyqpen júrgizilmek. Sol sııaqty «Aýyl amanaty» boıynsha ekonomıkalyq jobalar «Aýyl – el besigi» aıasynda ınfraqurylymy damytylyp jatqan aýyldarda júzege asyrylmaq.
Sonymen qatar eki baǵdarlamaǵa da jańartýlar engizý josparlanyp otyr. Atap aıtqanda, «Aýyl – el besigi» aıasynda «Aýyl amanaty» boıynsha júzege asyrylyp jatqan jobalarǵa ınfraqurylym tartý máselesi sheshiledi. Áleýeti joǵary aýyldar men aýdan ortalyqtarynda shaǵyn ındýstrııalyq aımaqtar qurý máselesi pysyqtalyp jatyr.
Eger bul bastama júzege assa, ár óńirde bir-eki iri aýylda osyndaı shaǵyn ındýstrııalyq aımaqtar ashylady. Bul aımaqtar «Aýyl amanaty» aıasynda júzege asyrylyp jatqan jobalardy ınfraqurylymmen qamtamasyz etedi. О́ndiriletin ónimderdi saqtaý, tańbalaý, tutynýshylarǵa jetkizý sııaqty logıstıkalyq qyzmetter usynady.
Jalpy, aýyldy keshendi damytý baǵytyndaǵy jańa sharalar aýyl turǵyndarynyń ómir sapasyn jaqsartýǵa jáne aýyl sharýashylyǵynyń tıimdiligin arttyrýǵa baǵyttalyp otyr.
Nurbolat Qurmetuly,
«Ekonomıkalyq zertteýler ınstıtýty» AQ
ortalyǵynyń dırektory
