Súıek obyry da emdeledi

Sırek kezdesetin dert kóbi­nese 10 jastan asqan balalardan tabylyp jatady. Osy 13 jyldyń aıasynda ǵylymı ortalyqtyń altyn qoldy onko­hırýrg­teri 100-den astam balaǵa asa kúrdeli mega-endoprotezdeý operasııalaryn jasaý barysynda kishkentaı pasıentterdiń aıaq-qoldaryn saqtap qaldy. Jyl saıyn elimizde osteosarkoma dertine shamamen 20-25 bala shaldyǵatyn bolsa, bul keseldiń 50%-dan astamy tize býynynda, 30%-y ıyq-býynyna jaqyn ornalasady eken.

Keıingi jyldary súıek isikterin emdeý barysynda joǵary mólsherli hımıoterapııany engizýdiń arqasynda qaterli jasýshanyń basqa aǵzalarǵa shabýy tómendep, balalar ómiri uzara túsken. Bul shara zaqymdanǵan aıaqtardy 90%-dan astam jaǵdaıda saqtap qalýǵa múmkindik týdyrǵan. Bir sózben aıtqanda, súıektiń sırek qaterli isigine dýshar bolǵan balalardyń, asa bir asqynǵan jaǵdaıda bolmasa, aıaq-qoldary kesilmeıdi. Qazirde osteosarkomany emdeýdiń jańa ádisterin engizý em-dom tıimdiligin álemdik nátıjelerge jaqyndatýǵa múmkindik bere bastady.

Osyndaı aýyr, erekshe kúrdeli operasııalardy atqa­ratyn №2 hırýrgııa bóliminiń meńgerýshisi, joǵary sanatty onkohırýrg, onkoortoped Bahram Jumadullaev: «Orta­lyq zamanaýı modýldik endoprotezderdi satyp alýǵa qol jetkizip, joǵary mólsherli hımıoterapııany qoldanýdyń arqasynda aǵzany saqtap qala­tyn operasııalardyń sany artty. Balalardaǵy osteosarkomany biriktirip emdeý nátı­je­leri de jaqsardy. Atap óter­lik jaıt, onkologııalyq endoprotezder ortopedııalyq protezderge uqsamaıdy, erekshe megaprotezderge jatady. Qazirde hırýrgııalyq emdeýdiń osy túri osteosarkomaǵa shal­dyqqan balalardyń 90%-dan astamyna jasalady, ol óz kezeginde balanyń áleýmettik beıim­delýine, jaǵdaıynyń jaqsarýyna múmkindik beredi», deıdi.

Elimizde aıaq-qoldy aman alyp qala otyryp, emdeý aıaq­talǵannan keıin jalpy saýyǵyp ketý jaǵdaılary – 71%. Bul osteo­sarkomany zertteý jónindegi halyqaralyq mýltıortalyqtar nátıjesimen sáıkesedi.

Keıingi kezde boıy jasy­nan qysqa balalarǵa jeke daıyndalǵan az ınvazıvti uzart­qysh protezderdi qol­daný arqyly dene múshe­lerin saqtaý operasııalary engizildi. Onkologııa salasyn­daǵy eń kúrdeli operasııa tegin medısınalyq kómektiń kepil­­den­dirilgen kólemi negizinde tegin jasalady. Ortalyqta aıaqqa ǵana emes, tize, ıyq, jambastyń qaterli isikterine de organ saqtaý operasııalary jasalyp jatyr. Biregeı operasııalardyń nátı­jesinde balalardyń aıaq-qoldary saqtalyp qana qoımaı, ómir súrý sapasy da jaqsardy. Búginde olar óz qurby-qurdas­tarymen birge mektepke baryp, ýnıversıtette oqyp, túrli qyzmetter atqaryp júr. Sportpen aınalysyp, jattyǵý zaldaryna, basseınderge baryp, belsendi ómir saltyn ustanady. Turmys quryp, 2–3 balanyń ata-anasy atanyp jatqan balalar da bar.

ALMATY