Foto: ashyq derekkóz
Ulytaý oblysy turǵyny «Kaspi Profit» jarnamasynan «qarajatty ınvestısııa arqyly kóbeıtýge bolady» degen habarlamaǵa senip, jeke derekteri týraly málimetter qaldyrǵan. Ári qaraı analıtık mamany retinde ózin tanystyrǵan alaıaq, belgisiz nómirden habarlasyp, qarajat kóbeıtý týraly túsindirgen. Jábirlenýshi alaıaqtyń nusqaýymen uıaly telefonyna qosymshany júktep, jeke shotyna alaıaqtyń nusqaýymen 6 mln teńge nesıe rásimdegen. Alaıaqtar ınvestısııa arqyly 18 372$ qol jetkizgenine sendirip, ony qolma-qol aqshaǵa aınaldyryp, «Global finance» kompanııasy arqyly jetkizip bere alatyndaryn, ol úshin taǵy 3 mln qarajat salý qajettigin aıtqan. Jábirlenýshi onyń aıtqanyna kelisip, atalǵan qarjyny belgisiz shottarǵa aýdarǵan. Osylaısha oblys turǵyny alaıaqtyń nusqaýy arqyly 9 mln. teńgesinen aırylǵan.
Osyndaı jaǵdaı Jezqazǵan qalasynyń turǵynynyń da basynan ótken. «Kaspi Profit» jarnamasyna sengen turǵyn 5 mln teńge nesıe rásimdep, alaıaq kórsetken shottarǵa aýdaryp jibergen.
Oblys prokýratýrasy jeke aqparat, tólem kartasynyń nómirlerin, kodtar men qupııa sózderdi bermeý, kúmándi tólemderdi jasamaý, tekserilmegen qosymshalardy ornatpaý kerektigin eskertedi.
