Onyń ishinde «Egemen Qazaqstan» gazeti, Mádenıet jáne ádebıet bóliminiń basshysy, áriptesimiz Jánibek Álıman «Poezııa» atalymynda «Boz ushqat» óleńder jınaǵy úshin marapattaldy.
Sondaı-aq Prezıdenttik arnaýly ádebı syılyǵy «Proza» nomınasııasy boıynsha «2026» shyǵarmasy úshin Esbol Sosıalhanǵa, «Dramatýrgııa» nomınasııasy boıynsha «Apataı» dramalyq týyndysy úshin Álısher Aıtýarǵa, «Balalar ádebıeti» nomınasııasy boıynsha «Roket Era» povesi úshin Áset Syzdyqovqa berildi.
«Jas qazaqstandyq jazýshylar men aqyndarǵa arnalǵan Prezıdenttik ádebı syılyq 2023 jyly Prezıdent Jarlyǵymen taǵaıyndalyp, otandyq ádebıet álemindegi mańyzdy oqıǵalardyń birine aınaldy. Bul – Memleket basshysynyń mádenıet salasyn júıeli túrde jańǵyrtýǵa baǵyttalǵan bastamalarynyń biri. Bul syılyqtyń basty maqsaty – shyǵarmashyl jastardy qoldaý, jańa týyndylardyń jaryq kórýine jol ashý. Memleket basshysynyń mádenıet pen ónerdi damytýǵa erekshe mán berýi – onyń ustanyp otyrǵan reformalary men bastamalarynyń zańdy jalǵasy. О́ıtkeni mádenıetti, ádebıetti damytý – jas urpaqtyń jan-jaqty damýynyń negizgi tetikteriniń biri. Al rýhanı turǵydan kemeldengen, bilimdi, eńbeksúıgish ári patrıot azamattardan quralǵan qoǵamda Zań men Tártip ústemdik qurady, adamdar óz áreketteri úshin jaýapkershilik alady, dástúrge qurmetpen qarap, ulttyń negizgi qundylyqtaryn ardaqtaıdy», dedi Aıda Balaeva.
Sondaı-aq mádenı májiliste Mádenıet jáne aqparat mınıstrligi men Qazaqstan Jazýshylar odaǵynyń strategııalyq áriptestigi aıasynda «Qazaqstannyń ádebı-tanymdyq panoramasy» jobasymen jaryq kórgen 20 jas qalamgerdiń kitaptarynyń tusaýy kesildi.
