Úkimettik emes uıym – áleýmettik máselelerdi sheshýde jáne azamattyq bastamalardy jandandyrýda memlekettiń eń senimdi tiregi sanalady.
«Rasynda da, úkimettik emes uıymdar mańyzdy áleýmettik máselelerdi udaıy kóterip, olardy keshendi túrde sheshýge septigin tıgizip keledi. Memlekettiń kemel keleshegin qamtamasyz etetin negizgi resýrs – adam kapıtaly. Búginde elimizde 22 myńnan astam úkimettik emes uıym tirkelgen, onyń 18 myńy belsendi jumys isteıdi. Azamattardyń quqyqtaryn qorǵaýdan bastap, «Taza Qazaqstan» sekildi ekologııalyq aksııalarǵa deıingi kóptegen mańyzdy mindetterdi abyroımen atqaryp kelesizder», dedi mınıstr quttyqtaý sózinde.
Sondaı-aq A. Balaeva úkimettik emes uıymdardyń qyzmet kórsetý sapasyn jaqsartý jáne qoǵammen baılanysty nyǵaıtý maqsatynda memlekettik qarjylandyrý kólemi jyl saıyn artyp kele jatqanyn atap ótti.
«Sizderdiń qoǵam ıgiligi jolyndaǵy eńbekterińiz orasan zor. Osy oraıda, azamattyq qoǵamdy damytýdaǵy mańyzdy jáne negizgi mindetterdi júzege asyrýda barshańyzǵa sáttilik, jańa ıdeıalar men tolaıym tabys tileımin! Qoǵam damýyna qosyp jatqan ólsheýsiz úlesterińiz úshin alǵys bildiremin!», dedi mınıstr.
