Oblystyq PD málimetinshe, olardyń biri – Borodýlıha aýdanynyń 24 jastaǵy turǵyny. Ol kóshi-qon zańnamasynyń talaptaryn oryndamaǵany úshin jaýapkershilikke tartyldy.
«Mıgrasııalyq qyzmet júrgizgen tekseris barysynda onyń Reseı Federasııasynyń azamattyǵyn alǵany, alaıda belgilengen merzimde Qazaqstan Respýblıkasynyń qujattaryn tapsyrmaǵany anyqtaldy. Nátıjesinde onyń pasporty men jeke kýáligi tárkilenip, azamattyǵynan aıyrylǵany resmı túrde tirkeldi. Sonymen qatar, ol Ákimshilik quqyq buzýshylyq týraly kodekstiń 496-babynyń 2-bóligine sáıkes ákimshilik jaýapkershilikke tartylyp, elden shyǵaryldy», delingen PD habarlamasynda.
Eske salamyz, Qazaqstan Respýblıkasynda qos azamattyqqa tyıym salynǵan. Shetel memleketiniń azamattyǵyn alǵan tulǵalar 30 kúntizbelik kún ishinde mıgrasııalyq qyzmetke habar berip, Qazaqstan Respýblıkasynyń qujattaryn tapsyrýǵa mindetti. Bul talapty oryndamaý aýyr saldarǵa ákelýi múmkin.
