Poezııa álemindegi tuńǵıyq

Memleket bas­shy­synyń Ulttyq qu­ryltaıda «jap­paı kitap oqıtyn ultqa aı­nalýymyz kerek» degen bas­tamasyn negizge ala otyryp, «Bir el – bir kitap» respýb­lıkalyq aksııasy aıasynda kórnekti aqyn Jumeken Nájimedenovtiń shyǵarmalary jóninde Ortalyq kitaphanada ádebı dáris ótti. Halyqaralyq «Alash» ádebı syılyǵynyń laýreaty, jumekentanýshy Amangeldi Keńshilikuly «Ju­me­kenniń jumbaǵy» atty ta­qyrypta sóz órbitip, keleli oıdyń kórigin qyzdyrdy.

– Bir kúni ákem Jumeken Nájimedenovti úıge ertip alyp keldi. Sol shaqta aqyndy alǵash ret kórgen edim. О́te sypaıy, asa kóp sóılemeıtin kisi eken, óleńderin de oqyp berdi. Munyń bárin ózimniń «Qońyr kúzdegi kezdesý» degen essemde jazǵanmyn. Jalpy, Jumeken shyǵarmashylyǵy týraly aıtqanda, kóp irkilip qala beremiz. Onyń sebebi, aqynnyń tereńdigi, ıntellektýaldyq qýatynyń joǵarylyǵynan dep túsinemin. Máselen, aqynnyń óleńine jazylǵan ánder úsh-tórteý ǵana bolar. Al kóbi Jumeken Nájimedenovti Ánurannyń avtory dep qana tanyp jatady. Bul durys emes, aqynnyń ǵajaıyp óleńderi óte kóp, – dedi synshy Amangeldi Keńshilikuly.

Leksııada jumbaq aqyn­nyń álem ádebıetindegi ustaz­dary, aýdarmalary men eń­bekqorlyǵy haqynda jan-jaqty aıtyldy. Kelgen qonaq­tar kókeıdegi saýaldaryn qoıyp, tushymdy jaýap aldy. «Rýh jyry» atty jınaǵyn ala kelgen synshy Amangeldi Keńshilikuly, bolashaqta jyr juldyzy týraly kitapty to­lyq­tyryp shyǵarý oıynda bar ekenin jetkizdi.