1760 jyly belgııalyq Jan-Jozef Merlın Londonda ótken saltanatty keshte óziniń jańa ónertabysy – rolıkti konkıdi erekshe tanystyrǵysy keldi. Ol sándi týflıiniń astyna kishkentaı metall dóńgelekter ornatyp, qolyna skrıpka alyp, kópshiliktiń arasyna jarq etip shyqty. Jurttyń bári ańtarylyp qarady. Biraq Merlın bul kezde rolıkterdi toqtatý júıesin oılap tappaǵan edi. Sóıtip, ónertapqysh zyryldap kelip, qabyrǵadaǵy qymbat aınaǵa soǵylyp, jalp etip qulaıdy. Degenmen bul sátsizdik rolıkti konkıdiń tanymaldylyǵyn odan saıyn arttyryp, halyq arasynda birden suranysqa ıe boldy.