Sýret: primeminister.kz
Astrahan aýdanynda 12 eldi mekende sý tasqynyna qarsy keshendi sharalar júzege asyryldy. Bógetter turǵyzylyp, jol jıekteri bekitildi, arnalar tazartylyp, tereńdetildi. Qazirgi tańda 175 maman, 134 tehnıka birligi jáne 25 motopompa daıyndyqqa qoıylǵan.
Eski Kolýton aýylynda jyl saıyn Kolýton ózenindegi sý deńgeıiniń kóterilýinen jáne drenajdyq júıelerdiń (nóserge arnalǵan aryq) bolmaýyna baılanysty 52 turǵyn úı sý basý qaýpi bar aımaqqa kiredi. О́tken jyly jol jıekterin bekitý jáne sý shaıý qaýpi bar ýchaskelerde uzyndyǵy 1,1 shaqyrym bolatyn qorǵanys sharalary júrgizildi. «Demeý Qazaqstan qory» qorynyń qarjysy esebinen Kolýton ózenine 3,6 shaqyrymǵa tazartý jáne tereńdetý jumystary júrgizildi.
Qanat Bozymbaev aýyl mańyndaǵy ózen arnasyn tazartý jáne tereńdetý jumystaryn jedeldetýdi tapsyrdy. Sonymen qatar «Qazaqstan temir joly» AQ-ǵa temirjol kópiriniń astyndaǵy ózen arnasyn tez arada tazartý jóninde tapsyrma berildi.
Sý tasqyny qaýpi joǵary 16 eldi mekenniń qatarynda Atbasar qalasy da bar. Munda da qaýiptiń aldyn alý sharalary qolǵa alyndy, ózen arnalary men sý ótkizý júıeleri tazartylyp, bógetter nyǵaıtyldy, 295 metr úıindi turǵyzyldy. Sonymen qatar 12 sý ótkizý qurylysy jóndelip, taǵy 40 nysan tazartyldy.
Sý tasqynyna qarsy 396 adam, 138 tehnıka birligi jáne 16 motopompa jumyldyrylǵan.
Halqy 30 myń adamdy quraıtyn qalada jyl saıyn Jabaı ózeniniń deńgeıi kóterilgen kezde 128 úıdi sý basý qaýpi týyndaıdy. Bul qaýiptiń aldyn alý úshin ózen arnasynyń bir shaqyrymy qumnan tazartylyp, qorǵanys bógetteri nyǵaıtyldy, arna keńeıtilip, tereńdetildi.
Qazirde Jabaı ózeniniń Atbasar qalasy aýmaǵyndaǵy ýchaskesinde bir sý ótkizý qurylysy tolyqtaı aıaqtaldy, taǵy ekeýi paıdalanýǵa berýge daıyn. Vıse-premer olardyń qurylysyn 10 kún ishinde aıaqtaýdy tapsyrdy.
Sonymen qatar Atbasarda Jabaı ózeniniń 7,2 shaqyrymdyq arnasyn túzý baǵytqa keltirý jáne eni 120 metrge deıin keńeıtý jumystary júrip jatyr. Bul jumystarǵa 36 tehnıka jumyldyrylǵan.
Jalpy, bıyl Aqmola oblysynda Kolýton, Jabaı jáne Shaǵalaly ózenderiniń arnalary keıingi 30 jylda alǵash ret tazartylyp, tereńdetilip jatyr.
