Sýret: kazgazeta.kz
Qujat 137,2 mlrd teńgeni quraıtyn 118 sharany qamtıdy jáne týrıstik ınfraqurylymdy, kólik logıstıkasyn, sıfrlyq sheshimderdi, qaýipsizdik júıelerin damytýǵa, sondaı-aq ınvestısııa tartýǵa baǵyttalǵan.
Josparǵa sáıkes, demalys ornyn jańǵyrtý negizgi baǵyttardy, sonyń ishinde jyl boıy jumys isteıtin týrıstik nysandar salýdy, ekologııalyq jáne sporttyq týrızmdi damytýdy, jańa rekreasııalyq aımaqtar qurylysyn qamtıdy. Atap aıtqanda, Qatarkól kóliniń janynda balalar ortalyqtaryn, sporttyq-saýyqtyrý keshenderin jáne jyl boıy akvapark uıymdastyrý qarastyrylyp otyr. Jókeı kóliniń mańynda kempıngter, glempıngter jáne jańa týrıstik baǵyttar ashylady, al Kishi Shabaqty kólinde jalǵa berý stansalary, qaıyq turaǵy, jaǵalaý ınfraqurylymy men jaǵajaılar bolady.
Qysqy demalys túrlerin damytý keńinen josparlanǵan, olardyń arasynda shańǵymen syrǵanaý erekshe suranysqa ıe. Sporttyq jabdyqtardy jalǵa beretin, tamaqtaný orny men kádesyı dúkenderi bar shańǵy bazasyn uıymdastyrý kózdelip otyr.
Kýrorttyq aımaqqa qol jetkizýdiń yńǵaıly bolýyn qamtamasyz etý úshin kólik ınfraqurylymy, onyń ishinde vızıt-ortalyqtary bar kópdeńgeıli turaqtar jáne tamaqtaný pýnktteri salynady.
Jospardy iske asyrý kelýshi týrıster sanynyń 35 myńnan 94 myń adamǵa deıin ulǵaıýyna, týrızm salasyndaǵy jumyspen qamtý kórsetkishiniń 22 myńnan 32,5 myń adamǵa deıin ósýine jáne 22,7 mlrd teńge mólsherinde jeke ınvestısııalar tartýǵa ákeledi dep kútilýde. О́ńir ekonomıkasyndaǵy týrızm úlesi 1,4%-dan 3,5%-ǵa deıin ulǵaıýy tıis.
Kýrorttyq aımaqty damytý Qazaqstannyń óńirdiń týrıstik kartasyndaǵy ustanymyn nyǵaıtady, sondaı-aq ishki týrızmniń tartymdylyǵyn arttyrady.
