ASTANA. 5 mamyr. Fýtboldan aǵylshyn premer-lıgasynda jeńimpaz komanda anyqtaldy. Chempıonattyń aıaqtalýyna 3 týr qalǵan kezde Londonnyń «Chelsıi» tarıhynda besinshi ret Anglııa chempıony atandy. Bul týraly eurosport.ru habarlady.
«Chelsı» 35-týr aıasynda ótken sheshýshi oıynda «Krıstal Pelaspen» oınap, 1:0 esebimen jeńiske jetti. Jalǵyz goldy «aqsúıekter» sapyndaǵy belgııalyq legıoner Eden Azar soqty.
Osy jeńisten keıin Joze Moýrıno jattyqtyratyn komandanyń upaı sany 83-ke jetti. Al ekinshi orynda kele jatqan «Manchester Sıtıdiń» enshisinde 70 upaı bar. Chempıonattyń aıaqtalýyna 3 týr qalǵanyn eskersek, «Sıtıdiń» «Chelsıge» jete almaıtyny belgili. Sondaı-aq, áli 5 oıyn ótkizetin «Arsenal» da barlyq kezdesýin jeńispen aıaqtaǵan kúnniń ózinde «Chelsıden» bazyp oza almaıdy. Sebebi, Arsen Vengerdiń komandasynda búginde 67 upaı ǵana bar. Mundaı kórsetkishpen olar ázirge 3-satyda keledi.
2014-2015 jylǵy maýsymda «Chelsı» 274 kún boıy týrnır kestesinde kósh bastap turdy. Bul Anglııa fýtbolynyń tarıhynda rekordtyq kórsetkish. Osyǵan deıingi eń úzdik nátıje «Manchester Iýnaıtedke» tıesili. «Qyzyl soıqandar» 1993-1994 jylǵy maýsymda 262 kún boıy kóshbasshylyqty eshkimge bermegen bolatyn.
Elaman Qońyr.
Derek, sýret: eurosport.ru.
