Torǵaı ónerpazdarynyń tartýy

Bıyl Qostanaı oblysyna qarasty Jangeldın aýda­nynyń «Ǵasyr­lar per­nesi» ansambliniń qu­rylǵanyna 50 jyl tolyp otyr. Shyǵarmashylyq ujymǵa bul ataýdy kórnekti memleket jáne qoǵam qaıratkeri О́zbekáli Jánibekov qoıǵan desedi. Osy jarty ǵasyr ishinde óner ujymynyń aty elge tanyldy. Biraz belesti baǵyndyrdy. Birqatar fes­tıval men baı­qaýlardyń júldegeri boldy. Ásirese el ishinde halyq shyǵar­mashylyǵyn saqtaý men nası­hattaýǵa mol úles qosty. Elý jyl­­dyq tarıhyn­da ansambl qura­­mynda Qazaq­stannyń eńbek sińirgen má­denıet qyz­metkeri, kompozıtor Bolat Ham­zınnen bastap, kompozıtor Baqytjan Sáýekenov, Rysty Erdenova, Aqdámen Dosa­nova, Raıa Baı­kóbenova, Lázzat Hamzına, Abaı Ámir­hanov, Baqytjan Dosymov, Ból­tirik Moldashev sekildi óńirge tanymal tulǵalar óner kórsetti. Jaqynda ­ansamblge Qazaqstannyń halyq aqyny Qonysbaı Ábildiń esimi berildi.

Qazir óner ujymynyń quramy jańarǵan. Alaıda aǵa men jas býyn arasynda sabaqtastyq saqtalǵan. Konsert shymyldyǵy «Ǵasyrlar per­nesi» ansambliniń áýezdi shy­ǵarmasymen ashyldy. Odan keıin halyq aqyny, Memlekettik syılyqtyń laýreaty Nurhan Ahmet­bekovtiń «Torǵaıdan sálem» atty tolǵaýyn ánshi Baı­dos ­Qo­ja­saǵıev naqyshyna kelti­rip oryn­da­dy. Kompo­zıtor Bolat Ham­zın­niń «Shol­panym juldyzym» ánin res­pýblı­ka­lyq baıqaýlardyń jeńim­pazy Farıza Búrkitbaı shyr­qasa, Qo­nysbaı Ábildiń «Bala mahabbatyn» talantty jas ánshi Jáýke Ońdaǵan ba­byna keltirip aıtty. Al La­tıf Hamıdıdiń «Bulbulyn» oryn­­daǵan ánshi Farıza Jo­la­ma­no­va­ǵa tyńdarmandar tánti boldy.

Án men kúı áýelegen kesh barysynda «Jolamanov­tar» otbasylyq ansambli men Qa­nat pen Ásem Rajanov­tar otba­sy­lyq dýeti, «Bal­­­qa­dısha» je­­­ti­­­­­genshiler toby óner kór­set­ti.­ Sondaı-aq­ «Erke-naz» bı ­an­sam­­­bli bı­shi­leri­niń zamanaýı na­qysh­ta jańǵyrtqan halyq bıi kópshilik kóńilinen shyqty. N.Ahmet­bekov atyndaǵy Má­denıet úıi ártisteri «Ar­qalyq­tyń aq tańy» ániniń je­li­simen mýzykalyq qoıylym usyn­dy.­ Qysqasy, eki saǵatqa so­zyl­ǵan konsertte elimizge bel­­gili kompozıtorlardyń shy­­ǵar­­malarymen birge, óńir sazger­leri­niń týyndylary da oryn­­daldy. Kesh sońynda osy is-sharaǵa qatysqan barlyq óner­­pazǵa Qostanaı oblysy Jan­gel­dın aýdanynyń ákimi D.Bıdashevtiń Alǵyshaty ­tabystaldy.

Qaısar QUSAIYN