Basqosýǵa Prezıdent Ákimshiliginiń, Mádenıet jáne aqparat, Ǵylym jáne joǵary bilim, Oqý-aǵartý, Ulttyq ekonomıka, Týrızm jáne sport, Syrtqy ister, Ádilet mınıstrlikteriniń jáne Prezıdent janyndaǵy Ortalyq kommýnıkasııalar qyzmetiniń basshylary men jaýapty qyzmetkerleri qatysty.
Erlan Qarın Memleket basshysy óz sózinde máni zor gýmanıtarlyq, áleýmettik-ekonomıkalyq, ınfraqurylymdyq jobalar týraly aıtqanyn jáne basqa da zańnamalyq sıpattaǵy birqatar mańyzdy tapsyrma bergenin atap ótti.
Memlekettik keńesshi jaýapty organdarǵa Prezıdenttiń bastamalary men tapsyrmalaryn júzege asyrýǵa qatysty naqty qurylymy bar Is-sharalar josparyn muqııat pysyqtap, ázirleý týraly tapsyrma berdi. Sondaı-aq ol Ulttyq quryltaıdyń IV otyrysynyń jumys seksııalary men plenarlyq bóliginde quryltaı músheleri bergen usynystardy iske asyrýǵa qatysty bólek jospar ázirleýdi tapsyrdy.
Erlan Qarın Prezıdent bastamalaryn júzege asyrý týraly aıta kelip, aldaǵy ýaqytta atqarylatyn birlesken jumysqa barlyq múddeli memlekettik organdar, quryltaı músheleri, depýtattar men sarapshylar belsene atsalysýy qajet ekenin erekshe atap ótti. Memlekettik keńesshiniń paıymdaýynsha, Prezıdent usynǵan máni zor jobalar men bastamalardy qoǵam arasynda jáne aqparat keńistiginde túsindirý óte mańyzdy.
Memlekettik keńesshi jıyndy qorytyndylap, Ulttyq quryltaıdyń IV otyrysynda Prezıdent aıtqan mindetterdi sapaly oryndaý qajet ekenine basa nazar aýdardy.
