Qazaqstan Respýblıkasy Qarjy mınıstrliginiń buıryǵy №250

2015 jylǵy 31 naýryz , Astana qalasy Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterıılerin belgileý týraly «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 464-babynyń 3-tarmaǵyna sáıkes buıyramyn: 1. Osy buıryqqa qosymshaǵa sáıkes Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterııleri belgilensin. 2. Qazaqstan Respýblıkasy Qarjy mınıstrliginiń Memlekettik kirister komıteti (D. E. Erǵojın) zańnamamen belgilengen tártipte: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryqty memlekettik tirkegennen keıin on kúntizbelik kún ishinde ony merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Qarjy mınıstrliginiń ınternet – resýrsynda ornalastyrýdy qamtamasyz etsin. 3. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasynyń Qarjy mınıstri B.SULTANOV. Qazaqstan Respýblıkasy Qarjy mınıstriniń 2015 jylǵy 31 naýryzdaǵy № 250 buıryǵyna qosymsha Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterıılerin bekitý týraly Keden odaǵynyń kedendik shekarasy arqyly jeke tulǵalar ótkizetin taýarlardyń sıpattamasy men sanyna, sondaı-aq taýarlardy ótkizý jıiligine baılanysty, jeke paıdalanýǵa arnalǵan taýarlarǵa, eger: 1) mundaı taýarlar: shıkizat; taýarlardy óndirý úshin arnalǵan, jartylaı fabrıkattar; jıyntyqtaýshy buıymdar bolyp tabylsa; 2) olardyń sany mynadaı kórsetkishterden assa: kıim jáne kıim zattary – bir adamǵa bir ataýdaǵy, mólsherdegi jáne úlgidegi 2 (eki) zat; tósek-oryn kerek-jaraqtary – bir adamǵa bir túrdegi 2 (eki) jıyntyq; kilemder jáne basqa edenge jaıatyn toqymalar – bir adamǵa bir ataýdaǵy 2 (eki) zat; bas kıimder – bir adamǵa bir ataýdaǵy, mólsherdegi jáne úlgidegi 2 (eki) zat; aıaq kıim – bir adamǵa bir ataýdaǵy, mólsherdegi jáne úlgidegi 2 (eki) zat; an terisinen jasalǵan buıymdar - bir adamǵa bir ataýdaǵy, mólsherdegi jáne úlgidegi 1 (bir) zat; bylǵarydan jasalǵan buıymdar - bir adamǵa bir ataýdaǵy, mólsherdegi jáne úlgidegi 1 (bir) zat; dárethanalyq kerek-jaraqtar men parfıýmerııalyq-kosmetıkalyq buıymdar - bir adamǵa bir ataýdaǵy 3 (úsh) zat; tamaq ónimderi – bir adamǵa 10 (on) kılogramm; uıaly telefon – bir adamǵa 2 (eki) birlik; planshet – bir adamǵa 2 (eki) birlik; portatıvti tasymaldanatyn kompıýterler jáne olardyń kerek-jaraqtary (noýtbýk, netbýk) – bir adamǵa 2 (eki) birlik; turmystyq tehnıka jáne elektr aspaptary – bir adamǵa ár ataýdaǵy 1 (bir) zat; zergerlik buıymdar – bir adamǵa 5 (bes) zat; velosıped – bir adamǵa 1 (bir) dana; bala arbasy – bir adamǵa 1 (bir) dana; jeke paıdalanýǵa arnalǵan joǵaryda atalmaǵan basqa da zattar - bir adamǵa árbir ataýdaǵy 2 (eki) zat; 3) keden odaǵynyń kedendik shekarasy arqyly jeke tulǵanyń jáne ótý (nemese) onyń taýarlardy ótkizý jıiligi aıyna 1 (bip) retten aspaıdy. 2. Keden odaǵynyń kedendik shekarasy arqyly ótkiziletin jeke paıdalanýǵa arnalǵan kólik quraldary, eger olardyń sany jylyna 1 (bir) birlikten assa kásipkerlik qyzmet maqsatyna arnalǵan dep qarastyrylady. 3. Kórsetkishter buryn paıdalanýda bolǵan taýarlarǵa (jeke paıdalanýǵa arnalǵan kólik quraldaryn qospaǵanda) qatysty qoldanylmaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 16 sáýirdegi Normatıvtik quqyqtyq kesimderdi memlekettik tirkeýdiń tizilimine № 10738 bolyp engizildi.