«KEGOC» aksıonerleri 40 myńnan asty

Bıylǵy jylǵy 30 sáýirde «KEGOC» AQ aksıonerleriniń alǵashqy jyldyq jalpy jınalysy bolyp ótti. Onda birqatar ózekti máseleler qaraldy. Sol kúni aksıonerlerdiń jalpy jınalysynyń qorytyndysy boıynsha respýblıkalyq buqa­ralyq aqparat quraldarynyń ókilderimen baspasóz máslıhaty boldy. Oǵan «KEGOC» AQ basqar­masynyń tóraǵasy Baqytjan Qajıev, basqarma tóraǵasynyń orynbasary Jańabaı Beksary jáne «KEGOC» AQ-tyń ekonomıka jónindegi atqarýshy dırektory Aıbek Botabekov qatysyp, jýrnalısterdi qyzyqtyrǵan su­raq­tar tóńireginde oı órbitti. «Qurmetti jýrnalıster búgin «KEGOC» AQ aksıonerleriniń jalpy jınalysy ótti jáne bul jınalysty «KEGOC» kópshilikke ortaq kompanııa retinde alǵash ret ótkizip otyr. О́zderińizge bel­gili, ótken jyldyń aıaǵynda «Ha­lyqtyq IPO» baǵdarlamasy aıasynda Qazaqstandyq qor bırjasyna (KASE) «KEGOC» AQ aksııa­lary ornalastyrylǵan bolatyn», dep bas­tady sózin «KEGOC» AQ bas­qarma tóraǵasy Baqytjan Qajıev. Esterińizge sala ketetin bol­saq, 2014 jylǵy 18 jeltoq­sanda «Samuryq-Qazyna» ulttyq ál-aýqat qory» aksıonerlik qo­ǵamynyń enshiles jáne baǵy­nysty uıymdarynyń aksııalar paketin Qazaqstan Respýblıkasy Úkimetiniń 2011 jylǵy 8 qyr­kúıektegi №1027 qaýlysymen bekitilgen baǵaly qaǵazdar naryǵyna shyǵarý baǵdarlamasyn («Halyqtyq IPO» baǵ­darlamasy) iske asyrý sheń­berinde «KEGOC» AQ kom­panııanyń jaı aksııalaryn oǵan jazylý jolymen qazaq­standyq qor naryǵyna alǵashqy ornalas­tyrýdy is jú­zine asyrdy. Baǵaly qaǵaz­dardyń uıymdastyrylǵan naryǵynda «KEGOC» AQ-tyń ornalastyrylǵan jaı aksııa­larynyń sany – 25 999 999 (jıyrma bes mıllıon toǵyz júz toqsan toǵyz myń toǵyz júz toq­san toǵyz) dana. «KEGOC» AQ-tyń bir jaı aksııasynyń ornalastyrý baǵasy 505 (bes júz bes) teńgege baǵalandy. – Sonyń nátıjesinde 13 mlrd. teńgeden astam mólsherde qara­jat tartyldy. 40 myńnan astam qazaqstandyqtar «KEGOC» ak­sııa­­laryn ıelenýge múmkindik aldy, – dep jalǵastyrdy odan ári sózin Baqytjan Qajıev. Búgingi ótken jalpy jına­lysqa kompanııanyń barlyq aksıo­­nerleri jáne olardyń ókil­deri qatysty. Endi olar Qazaq­stan Respýblıkasyndaǵy iri elektr jelilik kompanııany basqarý quqyǵyn ıelendi. Al­ǵashqy jyl­dyq jalpy jına­lystyń kún tártibi boıynsha ak­sıonerlerdiń qaraýyna mynadaı máseleler engizildi: - «KEGOC» AQ-tyń jyldyq esebin bekitý týraly; - jyldyq qarjylyq esep­te­meni, taza tabysty bólý tár­tibin bekitý, jaı aksııalar boıynsha dıvıdendter tóleý týraly sheshim qabyldaý jáne 2014 jylǵa arnalǵan «KEGOC» AQ-tyń bir jaı aksııasyna shaqqandaǵy dıvıdend mólsherin bekitý týraly; - «KEGOC» AQ dırektorlar keńesiniń sandyq quramyn, ókilettik merzimin anyqtaý, onyń músheleri men tóraǵasyn saılaý jáne basqa da máseleler. Aksıonerler KEGOC-tyń 2014 jylǵy jyldyq qarjylyq esebin bekitti, bul qujatta kom­panııanyń ótken jylǵy taza tabysy 8,6 mlrd. teńge kóleminde bolǵany atap kórsetildi. – Budan buryn habarla­ǵany­myzdaı, bizdiń dıvıdendtik saıa­satymyzǵa sáıkes taza taby­sy­myzdyń keminde 40 paıyz dıvıdend tóleýge jumsalýy múmkin. Bul degenimiz, KEGOC esepti kezeńdegi taza tabysynyń barlyq 100 paıyzyn dıvıdend tóleýge jibere alady degen sóz. Búgin aksıonerlerdiń jalpy jınalysy 2014 jylǵy taza tabystyń 99,97%-yn KEGOC-tyń jaı aksııalaryn ustaýshylarǵa bólý týraly sheshim qabyldady. Al kompanııanyń bir jaı aksııasyna shaqqandaǵy soma 33,13 teńgeni quraıdy. Dıvıdend 2015 jylǵy 25 mamyrdan bastap tólene bas­taıdy, – dedi basqarma tóraǵasy jýrnalıstermen júzdesýde. Aksıonerler bas qosýynyń kún tártibindegi taǵy bir mańyzdy másele, «KEGOC» AQ dırektorlar keńesiniń sandyq quramyn, ókilettik merzimin anyqtaý, onyń músheleri men tóraǵasyn saılaý bolatyn. О́ıtkeni 2015 jylǵy 8 mamyrda «KEGOC» AQ dırektorlar keńesiniń 2012 jylǵy 8 mamyrda saılanǵan quramynyń 3 (úsh) jyldyq ókilettik merzimi aıaqtalmaq. Soǵan oraı, aksıonerlerdiń jalpy jınalysy «KEGOC» AQ Dırektorlar keńesin 6 adamdyq quramda saılaý týraly sheshim qabyldady: «KEGOC» AQ dırektorlar keńesiniń tóraǵasy bolyp Qýanysh Ábdiǵalıuly Bektemirov saılandy. «KEGOC» AQ dırektorlar keńesiniń óki­lettik merzimi 3 (úsh) jyl bolyp belgilendi. Dırektorlar keńesiniń quramyna eki jańa táýelsiz dırektorlar – Damınık Fash jáne Iаnýsh Bıalek saılandy. Domınık Fash – Fransııa azamaty, Sorbonna túlegi, ın­jener. Orys tilin erkin meń­gergen. Iri energetıkalyq kom­panııanyń prezıdenti, dırektor­lar ke­ńesiniń tóraǵasy bolyp qyzmet atqarǵan. Al Iаnýsh Bıalek –  Uly­brıtanııa jáne Polsha memleketteriniń azamaty, Var­shava Tehnologııalyq ýnı­versıtetiniń túlegi, ınjenerııa salasy boıynsha ǵylym doktory (PhD), elektrotehnıka salasy boıynsha magıstr. Qazirgi ýaqytta Skolkovskıı ǵylym jáne tehnologııa ıns­tıtýtynyń energetıkalyq júıe­­ler jónindegi «Skolteha» zert­teý ortalyǵynda jumys isteıdi. Reseı Federasııasynyń Bilim jáne ǵylym mınıstrligi qarjylandyratyn «Taratýshy elektr jeliler dınamıkasy, tu­raqtylyǵy jáne olardy ba­qylaý» atty iri zertteý ju­my­syn basqarady. Táýelsiz dı­rektorlardyń ekeýi de orys til­derin jetik meńgergen. Jýrnalıstermen ót­ken júz­desý barysynda aksıoner­lerdiń jalpy jınalysynda qaralǵan máseleler men qabyl­danǵan she­shimder týraly jan-jaqty aq­parat berildi. Sonymen birge, kom­panııa basshylary jýrnalıster tarapynan qoıylǵan birqatar suraqtarǵa jaýap berdi. Osy rette kompanııa týraly túıindeı aıtatyn bolsaq, «KEGOC» AQ Qazaqstan Res­pýblıkasynyń Birtutas elektr júıesiniń (BEJ) júıelik operatory fýnksııasyn atqarady. Kompanııa balansynda Ulttyq elektr torabyn (UET) quraıtyn kerneýi 35-1150 kV, uzyndyǵy 24,5 myńnan asa shaqyrymdy quraıtyn elektr jetkizý jelileri jáne transformatorlarynyń qon­dyrmaly qýaty 36,38 GVA bolatyn 77 qosalqy elektr stansııasy bar. Kompanııada ETM (enshiles jáne táýeldi mekemelerdi) qos­qanda, 4,7 myńnan astam adam jumys isteıdi. Jylqybaı JAǴYPARULY, «Egemen Qazaqstan».