Bizdi bıiktetetin baǵdarlama

Kúlııa AIDARBEKOVA, oblystyq mádenıet basqarmasynyń basshysy. Elbasy Jańǵyrtý jónindegi ulttyq komıssııa qurý qajettigin 29 sáýir kúni Pre­­zıdentti ulyqtaý rásiminde jarııa et­ken bolatyn. О́ıtkeni, qazirgi zaman aǵy­my, kúnde sapyrylyp jatqan ýaqyt, daǵda­rys­tyń jańa tolqyndary beıjaı otyr­ǵan­­nyń nesibesin jep ketedi. Rasynda, solaı. Nursultan Ábishuly «Men reformalardy júzege asyrý úshin ózimniń bar­lyq erik-jigerimdi, sheshimdiligimdi kórsetip, memlekettik apparatty qoǵam­nyń kúsh-jigerin reformalardy oryndaýǵa jumyl­dyrý nıetindemin. Asa taıaý ýaqytta el Prezıdenti janynan Jańǵyrtý jónindegi ulttyq komıssııa qurylatyn bolady. Onyń mıssııasy – 5 reformany kezeń-kezeńimen júzege asyrýdy basqarý jáne memlekettik organdardyń, bıznes-sektor men azamattyq qoǵamnyń is-qımylyn úılestirý. Ulttyq komıssııa janynda quramynda bedeldi sheteldik jáne qazaqstandyq sarapshylar bar Halyqaralyq konsýltatıvtik keńes jumys isteıtin bolady. Bul eń úzdik halyqaralyq tájirıbeni paıdalanýǵa jaǵdaı jasaıdy. Komıssııanyń birinshi otyrysynda men 5 reforma boıynsha bizdiń ne istegeli jatqanymyzdy túsindiretin «Memlekettik qurylystyń odan arǵy 100 naqty qadamy» atty Ult josparyn usynamyn. «100 qadam» – bul bizdiń jahandyq jáne ishki syn-qaterlerge, sonymen bir mezgilde, jańa tarıhı jaǵdaılarda 30 damyǵan memlekettiń qataryna ený jónindegi josparymyz. Reformalardy júzege asyrý – alda turǵan 10-15 jylǵa birin­shi kezekti jalpyulttyq mindet», – degen edi. Memleket basshysynyń bastamasymen «Qazaqstan-2050» Strategııasy, «Nurly Jol», 5 halyqtyq reforma, «Máńgilik El» jáne jańa ındýstrııalandyrý baǵdarlamasy qabyldanyp, halyq onyń jaqsy jemisin kóre bastady. Atalǵan uzaq merzimdi baǵdarlamalardyń arqasynda Úkimetimizdiń aldaǵy isteıtin jumystary saralandy. Búginde álemdik ekonomıkada kósh ­bastap otyrǵan Qytaı Halyq Respýb­lı­kasy da bir kezde oryndalmaıtyndaı kóringen uzaq merzimdi ulttyq baǵdar­lamalarmen eńsesin kóterip aldy. El­basynyń Jańǵyrtý jónindegi ult­tyq komıssııa qurýynyń arqasynda memle­ketimizdiń keleshegi kemeldene túsetindigi kúmán týdyrmaıdy. Ońtústik Qazaqstan oblysy.