Ulttyq deńgeıge kóterilgenine rızamyz

Qýanysh MUHANJAROV, Atbasar elektrovoz jóndeý zaýytynyń bas ınjeneri. Elbasy N.Nazarbaev óziniń laýazymyna qaıta kirisetindigine búkil elimiz senim­di boldy. О́ıtkeni, Táýelsiz Qazaqstan­nyń bolashaǵyn Tuńǵysh Prezıdentimizsiz elestetý múmkin emes. Biz bolashaqtyń elimiz. Ulyqtaý rásiminde, Memleket basshysynyń eń aldymen osy máseleler­­­di alǵyshart etip alýynyń ózi erteńgi kúnimizdiń jarqyndyǵyn, árıne, aldymyzda kóp jumys, syn-qaterler turǵandyǵyn ashyp aıtýynyń ózi elge janashyrlyqtyń úlken belgisi dep túsinemin. Ulttyq komıssııa týraly usynys pisip-jetilgen dúnıe edi. Baqylaýsyz dúnıe bosqa aqqan bulaq, ıaǵnı búkil arman-tilekterdiń bulyńǵyrlyǵyna alyp keledi. Bizdiń álemdegi ozyq 30 eldiń sapynda bolýymyz – Qazaqstan Respýb­lıkasynyń abyroıy. Bul qadam­nan qaıtýǵa bolmaıdy. Oǵan jetý halyq­tyń ishki senimine, aıqyn umtylysyna baılanysty. Árıne, zaman yrǵaǵyna qaraǵanda oǵan jetý ońaı sharýa emes. Biraq, Elbasy bastamalarynyń árqashan jemisti bolýy, qaıtarymynyń álem nazaryna shalynýy qazaqstandyq jiger­di qaıraı túsetinine senimdimin. Muny bizdiń qurylǵanyna 75 jylǵa aıaq basqan 2 myńdyq ujymymyz jaqsy túsinedi. Nursultan Ábishuly Úkimet aldyna baǵdarlamalyq kúrdeli tapsyrmalar berýi qazirgi qalyptasqan kúrdeli jaǵdaıdy ańǵartyp qana qoımaı, isimizdiń naqtylyǵyn kózdeıdi. Bul oraıda men Elbasynyń eksportty ártaraptandyrý úshin qajetti mańyzdy baǵyt retinde kólik marshrýttaryn damytýdy ataǵanyn quptaımyn. Kó­lik ınfraqurylymy men logıstı­kasy ekonomıkanyń kúretamyry bolǵandyqtan, bizdiń ujym elimizde qalyptasqan yrǵaqty tómendetpeýge tyrysady. Zaýyt temirjol lokomotıvterin jóndeý, tehnıkalyq qyzmet kórsetý arqyly olardyń paıdalaný merzimin 20 jylǵa uzartýdy ıgerip otyr. Qazaq­stan­dyq úlesti ulǵaıtý maqsatynda 2000-nan astam qosalqy bólshekter men jab­dyqtardy ózimiz óndirýdi ıgerdik. Bıylǵy tórt aıda 30 lokomotıvti bas­tan-aıaq qaıta jóndep shyqtyq. Al, loko­motıv jabdyqtary men tetikterin, doń­ǵalaq juptaryn jóndeýde josparly meje­den ozyq boldyq. Kásiporyn «ST RK ISO 9001-2001» jáne «ST-KZ» sapa mened­­­­jmenti sertıfıkatymen jumys isteıdi. Prezıdent qolǵa alynǵan sharalardyń barlyǵy táýelsiz elimizdiń gúldenip, qýattanýyna baǵyttalǵandyǵyn shegelep aıtty. Sondyqtan, bizdiń kópultty ujymymyz ekpindi eńbegi arqyly erteńimizdi eńselendirýge laıyqty úles qosatynyna senimdimin. Aqmola oblysy, Atbasar aýdany.