Muratymyz – Máńgilik El

Amanjol OŃǴARBAEV, oblystyq máslıhattyń depýtaty, «Syr medıa» JShS bas dırektory. Elbasy ulyqtaý rásiminde sóılegen só­zin­de halyqqa Ulttyq Jospar usyny­la­ty­nyn málimdedi. Ol úshin arnaıy komıs­­sııa da quryldy. Endigi jerde memle­ket sharýasy osy Jospar boıynsha túzilmek. Bul rette barsha qazaqstandyqtarǵa artylatyn júktiń jaýapkershiligi zor bolatynyn sezemiz. О́ıtkeni, Elbasynyń ózi «Keıingi urpaqqa kemel Qazaqstandy tabystaý – barshamyzǵa ortaq paryz. Jańa ǵasyrdyń syn-qaterlerine tótep berip, damyǵan elderdiń qataryna qosylý – ortaq jaýapkershilik. Biz urpaqqa kór­­­­keıgen eldi, nyǵaıǵan birlikti, myzǵymas turaqtylyq pen eselengen baılyqty mıras etemiz», dedi. Osynyń ózinen-aq búgingi urpaqtyń moıynyna júktelgen jaýapkershiligin sezinýge bolady. «Bizdiń qoǵamymyzdyń kóptúrliligi – bizdiń álsizdigimiz emes, kúshimiz. Barlyq azamattar quqyqtyń birdeı kólemin paıdalanyp, jaýapkershiliktiń birdeı júgin arqalap jáne túrli múmkindikterge birdeı qol jetkizýi tıis. Bizdiń qoǵamymyz neǵurlym qýatty jáne birtutas bola otyryp, tarıhı turǵyda kóptegen tilderden jáne mádenıetterden qalyptasty. Búginde bizdi Máńgilik El qundylyqtary: azamattyq teńdik, eńbeksúıgishtik, adaldyq, oqymystylyq kýlti, toleranttylyq, shyn berilgendik pen patrıotızm birik­tiredi. «Eger aldaǵy bir jyldy oılasańdar – astyq ósirińder; eger aldaǵy júz jyldy oılasańdar – aǵash ósirińder; eger máń­gilikti oılasańdar – Adamdy tárbıeleń­der» degen bizdiń ata-babalary­myz. Máńgilik El qundylyqtary bizdiń baqýatty bolashaǵymyzǵa baǵdarlama bolady. Sondyqtan biz eldiń birligi men toptas­qandyǵy úshin odan ári de ózimizdiń ortaq azamattyq birtektiligimizdi nyǵaıtýymyz kerek», degen Elbasy memlekette jasalatyn reformalar­dy aıtty. Bul Qazaqstandy alǵa jeteleıtin, álemdik damýdan qalys qaldyr­maıtyn, myqtylar­men teńestiretin, bilimdilermen jarystyratyn, bilektilermen ıyq qaǵystyratyn, ultymyzdy ushpaqqa shyǵaratyn reformalyq ózgerister bolmaq. Sol sebepti bizdiń aldymyzda Elbasy qoıǵan talap­tardyń údesinen shyǵý mindeti tur. Qyzylorda oblysy.