Keleli ister kelisip sheshiledi

Anatolıı TARASENKO, oblystyq ýkraın qoǵamdastyǵy keńesiniń tóraǵasy. Men Qazaqstan Prezıdenti saı­laýynyń aldynda ótken Qazaqstan halqy Assambleıasynyń sessııasyna da, saılaýdan keıingi Elbasyn ulyqtaý rásimine de qatysý baqytyna ıe boldym. Assambleıa sessııasynda Elbasy Nursultan Nazarbaev jasaǵan baıandama onyń saılaýaldy tuǵyrnamasy sekildi boldy. Onda elimizdiń baqýattylyǵyn arttyrý, álemdegi moıyny ozyq otyz eldiń qatarynan kóriný úshin alda turǵan reformatorlyq sıpaty bar bes baǵdarlamany aıtty. Bul qoǵamdy jańǵyrtý úshin revolıýsııalyq bastama bolatyny ras. Nursultan Ábishuly 23 jyl boıy eldiń ekonomıkasyn, áleýmettik jaǵdaıyn damytyp, qoǵamdy qalyptastyrǵanymyzdy, endi ony jańa sapadaǵy deńgeıge kóteretinimizdi halqynyń aldyna mindet etip qoıdy. Ekonomıka damymaı qoǵam da damymaıtyny ras. Ony Prezıdent shaǵyn jáne orta bıznesti damytýǵa júktedi. Sonymen qatar, qoǵam ádildik saltanat qur­ǵanda ǵana jańarady, jasanady. Ol sybaılas jemqorlyqty aýyzdyqtaýdy, ıaǵnı bılik salasyna reforma jasaýdy talap etedi. Qara qyldy qaq jaratyn sot qyz­metin jolǵa qoıý da jurtshylyq kóńilinen shyqty. Osy isterdi júzege asyrý ońaı sharýa emes. Sondyqtan Elbasynyń Jań­ǵyrtý jónindegi ulttyq komıssııa qurý týraly sheshimin men óte quptaımyn. Aıtyl­ǵan danalyq sózge áreket bolmasa, ol sóz kúıinshe qalady. Komıssııa reformalardy júzege asyrýǵa birligi mol Qazaqstan halqyn jumyldyratyn bolady. Men onyń sátti shyǵaryna senimdimin. О́ıtkeni, Elbasynyń da, eliniń de talaı asýdan ótken tájirıbesine, yntymaǵyna senemin. QOSTANAI.