TARAZ. 5 mamyr. Jambyl oblysy Moıynqum aýdanynyń ortalyǵynda sport kesheni ashyldy. Bul týraly egemen.kz tilshisi habarlady.
Jalpy quny 262,0 mln. teńgeni quraıtyn bul keshenniń qurylysy 2014 jyldyń sáýir aıynda bastalǵan. Ǵımaratta úlken sport zaly, kúres zaly, sondaı-aq sportshylarǵa arnalǵan kıim aýystyrý, jýyný bólmeleri bar. Ekinshi qabatta sport mektebiniń ákimshilik korpýsy ornalasqan. Keshenniń úlken sport zaly 200 kórermenge arnalǵan.
Sonymen qatar, sport kesheniniń aýmaǵynda jasandy tósenishi bar 2 sport alańshasy, shaǵyn fýtbol alańshasy jáne voleıbol, basketbol oıyndary úshin arnalǵan alańshalar qarastyrylǵan. Sport kesheninde qazaq kúresi, erkin kúres, voleıbol, basketbol, fýtbol jáne boks sııaqty seksııalar bar. Qazirdiń ózinde bul seksııalarda 100-ge jýyq sportshy shynyǵýda.
Jańa sport kesheninde oblystyq, respýblıkalyq jáne halyqaralyq sporttyq is-sharalar ótkizýge múmkindik bar.
Oralhan Dáýit.
Derek, sýret: egemen.kz.
