Otyrystyń kún tártibi naqtylandy

Birinshi oqylymda de­pý­tattarǵa «Nysanaly kapıtal qorlary (endaýment-qorlar) týraly» zań jobasyn talqylaý usynylady. Jańa zań jobasy Úkimetpen nysanaly kapıtal qorlary men endaýment-qorlardy qurý jáne olardyń qyzmet etýiniń quqyqtyq negizin qalyptastyrý úshin ázirlengen. Endaýment-qorlardy basqarý úshin ınvestısııalyq tabys pen mesenattyq qyzmet nysandaryn qarjylandyrýdy qamtamasyz etetin kommersııalyq emes uıym retinde maqsatty kapıtal qor qurý usynylady. Osy zań jobasyna ilespe retinde Azamat­tyq kodekske, «Bilim týraly», «Qaıyrymdylyq týraly» jáne «Ǵylym men tehnologııalyq saıa­sat týraly» zańdarǵa ózgerister engizý qarastyrylǵan.

Jalpy otyrysta depýtattarǵa ishki ister organdarynyń qyzmeti salasyndaǵy normalardyń ar­tyq (shamadan tys) zańnamalyq reglamenttelýin bolǵyzbaý máseleleri boıynsha túzetýler­di birinshi oqylymda qaraý usynylady. Atalǵan zań jobasy Prezıdenttiń 2022 jyl­ǵy 13 sáýirdegi «Memlekettik apparattyń qyzmetin bıýrokratııadan aryltý jónindegi sharalar týraly» Jarlyǵyn iske asyrý maqsatymen ázirlengen. О́zgerister qoldanystaǵy 16 zańǵa engiziledi.

Sonymen qatar kún tártibinde «Aýmaqtyq qorǵanys týraly» zań jobasy da bar. Bul qujatpen aýmaqtyq qorǵanystyń quqyqtyq negizderi, onyń maqsattary, min­detteri men qaǵıdattary, mem­lekettik organdardyń, uıym­dar men azamattardyń ókilet­tikteri men jaýapkershiligi aıqyn­dalady. Zań jobasyn depý­tattar ekinshi oqylymda qaraıdy.