Qazaq jigiti aǵylshyn fılmine túsedi

Almatylyq Dımash Ádilet Ulybrıtanııadan Instagram áleýmettik jelisi týraly derekti fılmge túsýge shaqyrtý aldy. Fılmde jeli arqyly tanymal bolǵan adamdar jaıly baıandalady. Dımash Instagram-ǵa osydan úsh jyl buryn tirkelgen. Bastapqyda kúndelikti sýret­­terin júktep, ómirindegi qyzyq­tar men alǵan áserlerin ortaǵa salyp otyrǵan. Ýaqyt ótken saıyn jazylýshylary kóbeıip, tanymaldyǵy arta túsedi. «Tanymal bolýdy múldem oılaǵan joqpyn. «Kóppen kórgen – uly toı» demekshi, elmen birge tirkeldim. Al paraq­shama jazylýshylardyń sany artqan kezde jelini múldem basqa maqsattarda paıdalanýǵa bolatynyn túsinip, belsendilik tanyttym. Atap aıtqanda, jarty jyl buryn jazbalarymnyń formatyn ózgerttim. Endi tek sýretter ǵana emes, ártúrli ta­qyrypta shaǵyn áńgimeler ja­zyp, jarııalaı bastadym. Ná­tıjesinde, oqyrmandarymnyń sany burynǵydan da eselene tústi», – deıdi Dımash. Búginde ol Shveısarııada bilim alyp júr. Sondyqtan oǵan jazylýshylardyń qatarynda aǵylshyntildiler óte kóp. Sony eskerip ózi de jazbalaryn orys jáne aǵylshyn tilderinde jarııa­laıdy. Qazaq jastarynyń eshkimnen kem emes ekenin dáleldegisi keletin Dımash qatarlastarynyń rýhy asqaq, namysy bıik jáne bilimdi bolǵanyn qalaıdy. Elaman QOŃYR, «Egemen Qazaqstan».