Yntymaqtastyqty óristetýdiń áleýeti zor

Parlament Senatynyń Tóraǵasy Q.Toqaev Hımııalyq qarýǵa tyıym salý uıymynyń Bas dırektory Ahmet Ýzıýmdjıýdi qabyldady, dep habarlady Senattyń baspasóz qyzmeti. Qazaqstanǵa resmı saparmen alǵash ret kelgen meımanmen kezdesýde Senat Tóraǵasy Toqaev aımaqtyq jáne halyqaralyq qaýip­sizdik qurylymyn qalyptas­tyrýda Hımııalyq qarýǵa tyıym salý uıymy mańyzdy ról atqa­ra­tynyn atap ótti. Q.Toqaev Sırııa­da hımııalyq qarýdy joıý aıasynda álemdegi turaqtylyqty qamta­masyz etýde Hımııalyq qarýǵa tyıym salý uıymynyń tıim­di qyzmetine erekshe toqtal­dy. «Osyǵan baılanysty sizdiń uıym­nyń eń bedeldi marapat – «Beıbitshiliktiń Nobel syıly­ǵy­men» marapattalýy álem qoǵam­das­tyǵy tarapynan Hımııalyq qarýǵa tyıym salý uıymynyń jemisti qyzmetiniń moıyndalýy bolyp tabylady», – dedi Senat Tóraǵasy. Qarýsyzdaný salasyndaǵy aımaqtaǵy Qazaqstannyń jetekshi rólin atap óte kelip, A.Ýzıýmdjıý Qazaqstan men Hımııalyq qarýǵa tyıym salý uıymy arasyndaǵy yntymaqtastyqty óristetýdiń zor áleýeti bar ekenin aıtty. Halyqaralyq kún tártibindegi máselelerdi talqylaı kelip, júz­desýshiler Qazaqstanda Hımııalyq qaýip­sizdik ortalyǵyn qurýdyń jáne bıylǵy shildede Hımııalyq qarýǵa tyıym salý uıymynyń bel­sendi qoldaýymen komandalyq-shtab­tyq jattyǵý ótkizýdiń mańyz­dylyǵyn atap ótti. Q.Toqaev, sondaı-aq, A.Ýzıýmd­jıý­ge Parlamenttiń zań shyǵarý qyz­­­meti týraly aıtyp, elimizdegi ish­ki saıası jaǵdaımen tanystyrdy. Hımııalyq qarýǵa tyıym salý uıymynyń Bas dırektory saı­laý­daǵy senimdi jeńisine baılanys­ty Prezıdent N.Nazarbaevqa qut­tyqtaýyn joldady.