Sýret: massaget.kz
Geteniń «Tabıǵat» atty jazbasy kókeıge túrli oı salady. «Biz tabıǵattyń ortasynda ómir súrsek te, oǵan bótenbiz. Ol bizben úzdiksiz sóılesse de, jumbaǵyn ashpaıdy. Ol uly sýretshi, kishkene qubylystan uly úılesimdilik tabýshy Onyń ár qubylysy jeke mánge ıe, sansyz qubylystar birigip, bir maqsatqa jumylýshy».
Gete tabıǵatty osylaısha sıpattaıdy. Qorshaǵan álemniń ishine enip, syryna úńiledi. Aınalanyń shuǵylasyna áriden qaraıdy. «Tabıǵat – máńgilik ómir, tolassyz qozǵalys, ol bir mınýt ta úzilisti bilmesten máńgilik ózgeris ústinde. Toqtap qalý týraly oı onda bolǵan emes». Iá, máńgilik damyl tappaıtyn osynaý ǵajaıypty sezine jyrǵa qospaǵan, shyǵarma jazbaǵan sóz ıesi az shyǵar.
«О́leńi qursyn, tappadym odan mııatty,
Jazbaı-aq qoıdym, jazǵanym endi uıatty.
Mensiz de mynaý ǵalamat jyraý dúnıe,
О́zinen-ózi jyrlanyp jatqan sııaqty!»
deıdi Muqaǵalı.
Rasyn da, mynaý sheksiz de ǵalamat tabıǵat anamyz ózinen-ózi án salyp, jyr oqyp turǵan sekildi. Biz onyń árdaıym kórermeni, shákirti bop qala beremiz.
