Qazaqstanda ekinshi adam

Reseı Sýretshiler akademııasynyń qurmetti múshesi atandy Tanymal qylqalam sheberi, Qazaqstan Sýretshiler odaǵynyń basqarma tóraǵasy, ónertanýshy, professor, Qazaqstannyń eńbek sińirgen qaıratkeri Baıtursyn О́mirbekov taıaý kúnderi Reseı Sýret­shiler akademııasynyń qur­­metti múshesi atandy. Ol Qa­zaq­­stannan osynaý ataq­qa ıe bolyp otyrǵan ekinshi adam. Sýret óneri ábden damyǵan Reseı qylqalam sheberleri tarapynan moıyndalǵan Baıtursyn О́mirbekov kóptegen ǵylymı ma­qa­lalar men kitaptardyń já­ne «Túrli tústerdiń tildegi kóri­nisi», «Keńistiktegi túr tús» at­ty oqý quraldarynyń avtory. Baıtursyn Esjanuly 1994 jyldan Á.Qasteev atyndaǵy memlekettik óner murajaıynyń dırektory bolyp qyz­met atqaryp, ult­tyq mýzeı isi­niń bir iz­dilikke túsýine eń­bek si­ńirgen adam. Sý­retshi 2009 jy­ly sáýir­de Qa­zaqstan Sýret­shi­ler oda­ǵynyń XVI sezinde sol uıym­nyń bas­qar­ma tóraǵasy bolyp saılandy. О́nertaný professory 2002 jy­ly IýNESKO janyn­daǵy Halyqaralyq mýzeıler keńesiniń qazaqstandyq assosıasııasyn quryp, onyń prezıdenttigine taǵaıyndaldy. 1999 jyly «Qazaqstannyń eńbek sińirgen qaıratkeri» ata­ǵy berildi. Sol sııaqty sýretshi Ýkraı­na Sýretshiler odaǵynyń qur­metti múshesi, IýNESKO já­ne ISESKO is­teri jónindegi Ult­tyq komıssııanyń mú­shesi, Qazaq­stan Res­pýblıkasynda qoı­y­latyn eskertkishter men mo­nýmentterdi saraptaý komıs­sııa­­­synyń múshesi, AISA Halyq­ara­lyq ónertanýshy-syn­­­­shylar assosıa­sııasynyń múshesi ekenin aıta ketý kerek. Oǵan qosa, «Oral Tań­syq­baev» albomy úshin «Astana Báıterek» respýblıkalyq kon­kýrsynyń laýreaty atanǵan. Bul kúnde ol Qazaqstan óne­­rin nasıhattaý men uıym­das­tyrý isine belsene aralasyp júrgen tulǵaly azamat. Aınash ESALI, «Egemen Qazaqstan». ALMATY.