Foto: astana-akshamy.kz
Hakim Abaı «Allanyń ózi de ras, sózi de ras» dep bastalatyn óleńinde:
«Mahabbatpen jaratqan adamzatty,
Sende súı ol Allany jannan tátti.
Adamzattyń bárin súı baýyrym dep,
Jáne haq joly osy dep ádiletti», dep jazady.
Eger «Adamzattyń bárin súıý» uǵymyn ár ulttaǵy árbir adamdy jaqsy kórý dep oılasaq, (árbir adamdy súıý múmkin de emes) birjaqty kózqaras bolmaı ma, olaı bolsa, qazaqtyń «jamannan jıren» degen maqaly qaıda qalady? Oıymyzsha, hakim «zaty bar adamdy súı», dep aıtyp turǵan sııaqty. Biz ádette materıaldyq túrli dúnıelerdi «zat» dep ataımyz, shyn máninde materıaldyq dúnıeler – zat emes, nárse. Jalpy, «zat» dep Alla jaratqan jaratylystardy ári rýhanı dúnıelerdi aıtsa kerek. Aıtpaǵymyz, adam óziniń Alla jaratyp qoıǵan adamı bolmysyna ıe bolsa, ıaǵnı nápsisin jeńip, rýhymen ómir súrse, «adam+zat» bolady. Qazaqta «aty bar da zaty joq» degen sóz bar (adam degen aty bar, biraq zaty joq degen maǵynada).
Elimizdegi túrli ulttar ózderiniń tilin, salt-dástúrin, rýhanııatyn saqtap, mádenıetin órkendetip, jaıly ómir súrip keledi. Al Prezıdent Qasym-Jomart Toqaevtyń aınymas turaqty saıasatynyń biri – tatýlyq, beıbitshilik. Endeshe, Qazaqstandaǵy halyqtar birligi nyǵaıa bermek.
Zamanalardyń túrli kezeńderińde qazaq halqy keń baıtaq dalasyna kelgen kez kelgen ultty jatyrqamaı, qonaqjaılylyqpen dámin bólisip, keń peıildik tanytty. Bul zor musylmandyq belgisi, qazaq halqynyń kemel qasıeti.
Rınatqyzy Ásemaı
Álikeı Marǵulan atyndaǵy
40 mektep-lıseıi
11 synyp oqýshysy
