Keshe Pańnyń urpaǵy, belgili kásipker Marat Nábı otbasylyq murasynan atasy Nurmaǵambet Saǵynaıulynan qalǵan kise beldikti Ulttyq mýzeı qoryna tapsyrdy.
Bul kiseni ertede Saǵynaı bı uly Nurmaǵambetke arnap jasatqan eken. 1976 jyly jazýshy Ásken Nábıev beldiktiń kúmis áshekeılerin saqtaı otyryp, bylǵary bóligin jańartyp, qaıta qalpyna keltiripti.
«Jádiger HIH ǵasyrdyń sońy men HH ǵasyrdyń basyna tán sándik-qoldanbaly óner úlgisi bolyp tabylatyn bul kise beldik – qazaq er-azamatynyń mártebesi men talǵamyn kórsetetin mańyzdy buıym» deıdi Marat Áskenuly.
Qundy murany qabyldap alǵan mýzeı dırektory Berik Ábdiǵalı mundaı asyl dúnıe elimizdiń tarıhy men mádenıetin zertteýge úlken úles qosatynyn atap ótip, beldik aldaǵy ýaqytta ǵylymı aınalymǵa engiziletinin jáne arnaıy taqyryptyq ekspozısııalar arqyly kórsetiletinin jetkizdi.
