Foto: QR Ulttyq ulany
Ulandyqtar Ábilhaıyr han kóshesinde ornalasqan turǵyn úıdiń birinen qoıý qara tútin shyǵyp jatqanyn baıqaǵan. Leıtenant Jasýrbek Abdýllaevtyń jetekshiligimen áskerı jasaq dereý áreket etip, órt sóndirý jáne medısınalyq qyzmet ókilderimen birlese oqıǵa ornyna jetken.
Serjant Málik Qolǵanat pen qatardaǵy jaýynger Ábdibek Samattyń bastamasymen áskerı qyzmetshiler turǵyndardy qaýipsiz jerge kóshirip, alǵashqy kómek kórsetken. Sonymen qatar, órt shyqqan aýmaq qorshaýǵa alynyp, oqıǵa ornyna adamdar men kólikterdiń kirýine shekteý qoıylǵan.
«Qoıý tútin turǵyn úıdiń ishin túgel jaýyp, arnaıy qural-jabdyqsyz ishke kirý múmkin bolmady. Tótenshe jaǵdaılar qyzmetiniń mamandary turǵyndardy syrtqa shyǵaryp, bizge tapsyrdy. Biz olardy qaýipsiz jerdegi medısına qyzmetkerlerine jetkizdik», dedi rota komandıriniń orynbasary Jasýrbek Abdýllaev.
О́rt tolyq sóndirilgenge deıin áskerı qyzmetshiler oqıǵa ornynda kezekshilik atqarǵan. QR IIM Ulttyq ulanynyń jaýyngerleri, órt sóndirýshiler jáne medısına qyzmetkerleri birlesken, jedel ári úılesimdi jumysynyń arqasynda jergilikti turǵyndardyń ómirin aman saqtap qaldy.
