Jarqyn bolashaqqa sara jol

Elimiz úshin mańyzdy bolǵan saıası naýqanda Elbasymyz Nursultan Nazarbaevtyń aıqyn basymdyqpen jeńip shyǵýy Qazaqstan halqy úshin zor mártebe boldy. Bizdiń jarqyn jeńisimiz – kóshimizdiń túzý, kókjıegimizdiń shýaqty, baǵytymyzdyń durys ekenin taǵy bir aıǵaqtaı tústi. Eldiń tilegimen ótken, taǵy­ly­my tarıhymyzǵa engen saılaý­dyń nátıjesi – tókken ter, etken eńbektiń baǵasy dep bile­min. Kúni keshe ǵana qalyń halyq­tyń qatysýymen elordamyzda El­basymyzdy ulyqtaý rásimi sal­tanatty túrde atalyp ótti. Elimizdegi turaqtylyqty kóziniń qarashyǵyndaı saqtap otyrǵan Elbasyna qandaı qurmet kórset­se de artyq emes. Egemen­dik alǵan­nan bastap halqynyń baqytty ómiri, baıandy bolashaǵy úshin bar qajyr-qaıratymen eseli eńbek etip kele jatqan Elbasy taǵy da ıyǵyna batpan júk artyp, eldiń jarqyn bolashaǵyn qaı­yspaı kóterýge beldi bekem býdy. Taǵdyry tutas, tilegi uq­­­­­sas­ Qa­zaqstan halqynyń basyn bir sha­ńyraq astyna biriktirip otyr­­­ǵan Elbasynyń sarabdal saıa­saty qashanda bizdiń elimiz úshin baǵ­darsham ispettes. Nursultan Ábish­ulynyń eseli eńbegi, tókken teriniń arqasynda bizdiń el búginde kózdi ashyp-jumǵansha áleýeti asqan, dáýleti tasqan, irgesi berik, bedeli zor aıbyndy elge aınaldy. Osyndaı zor eńbektiń óteýi retinde Qazaqstan halqy taǵy da Elbasyna zor senim artyp, tańdaý jasady. Izgilik nuryn shashqan Astana­nyń tórinde óz Prezıdentin ulyq­tap, beıbitshilik pen keli­simniń kıeli kiltin usyndy. «Kóp tilegi – kıeli, jurttyń sózi – ýáli»degendeı, Elbasynyń aq kıiz­­­diń ústinde turyp, amanatqa adal­dyq, sertke senimdilik tanytyp, halyq aldynda qabyldaǵan anty bizdi rýhtandyrdy. Búginde bizdiń baǵdarymyz – aıqyn, endeshe, bolashaǵymyz – jarqyn! Biz Elbasymen kemel keleshegimizdiń berik irgesin birge qalaımyz! Nurbaqyt QABDIKÁRIMOVA, Sosıalıstik Eńbek Eri, Qarqaraly aýdanynyń qurmetti azamaty. Qaraǵandy oblysy, Qarqaraly aýdany.