Redaksııa alqasynyń aldynda turǵan basty mindet – kóptomdyqtyń mátinin, oǵan engizilgen kartalar men ıllıýstrasııalyq materıaldardy túpkilikti saraptaý jáne bekitý.
Alqa quramynda kóptomdyqtyń jetekshileri men avtorlary, Ulttyq mýzeı, Ortalyq memlekettik arhıv, Ulttyq tarıhshylar kongresiniń basshylyǵy, akademıkter, tarıhshy ǵalymdar, etnologııa, tarıhı geografııa, arhıv isi, fılologııa salalaryndaǵy jetekshi mamandar, sondaı-aq ǵylymı-zertteý ınstıtýttarynyń jáne joǵary oqý oryndaryndaǵy tarıh kafedralarynyń ókilderi bar.
Jıyn barysynda alqa jumysynyń jospary talqylandy. Soǵan sáıkes maýsym aıynan bastap ár tomnyń qoljazbasy kezeń-kezeńimen muqııat tekserilip, betteý jumystaryna jiberiletin mátinniń sońǵy nusqasy bekitilýi kerek.
https://kaz.inform.kz/news/kazakstan-tarihinin-koptomdigin-dayindau-zhonndeg-redaktsiya-alkasinin-zhiini-ott-671f86/
