foto: ashyq derekkóz
Aldyn ala málimet boıynsha, 26 jastaǵy Cadillac Escalade kóliginiń júrgizýshisi basty jolmen kele jatqan KIA K5 markaly avtokólikke jol bermeı, soqtyǵysqan. Jol apatynyń vıdeosy áleýmettik jelide tarady.
Almaty oblysy Polısııa departamentiniń habarlaýynsha, soqtyǵys saldarynan KIA K5 kóliginiń júrgizýshisi men bir jolaýshysy alǵan jaraqattarynan aýrýhanada kóz jumǵan. Al osy kóliktiń taǵy bir jolaýshysy, sondaı-aq Cadillac júrgizýshisi men onyń tórt jolaýshysy túrli jaraqattarmen aýrýhanaǵa jatqyzyldy.
– Qazirgi ýaqytta jol apatyna baılanysty QR Qylmystyq kodeksiniń 345-baby 3-bóligi boıynsha (Jol júrisi nemese kólik quraldaryn paıdalaný qaǵıdalaryn buzý, abaısyzda eki nemese odan da kóp adamnyń ólimine ákep soǵý) qylmystyq is qozǵaldy. Qajetti saraptamalar taǵaıyndaldy, oqıǵanyń mán-jaıyn anyqtaýǵa baǵyttalǵan tergeý amaldary júrgizilýde, – delingen vedomstvo taratqan aqparatta.
Eske salaıyq, buǵan deıin Almaty – Bishkek tas jolynyń 44-shaqyrymynda da aýyr jol apaty tirkelip, tórt adamnyń ómirin jalmaǵan. Apatqa sebep – júk kóliginen ajyrap ketken tirkeme bolǵan.
Janel TО́LEÝBEKOVA, EUÝ stýdenti
