Halyqaralyq qaýipsizdikke arnalǵan jıyn

Reseıdiń Qaýipsizdik Keńesi uıym­dastyrǵan is-sharada qaýipsiz­­dik keńesteriniń, quqyq qorǵaý jáne arnaıy organdardyń, syrtqy saıası vedomstvolardyń, sondaı-aq halyqaralyq uıymdardyń atynan kelgen 130-dan asa delegasııa músheleri bas qosty.

Plenarlyq otyrys teń jáne bólin­beıtin qaýipsizdik arhı­tek­týrasyn qalyptastyrý taqyrybyna arnaldy. Talqylaý aıasynda forýmǵa qatysýshylar halyqaralyq jaǵdaıdyń ne­giz­gi damý úrdisi, jahandyq syn-qaterler jóninde pikir almasty.

Qazaqstan Qaýipsizdik Keńesiniń hatshysy teń jáne bólinbeıtin qaýipsizdik qaǵıdatyn iske asyrý barlyq memlekettiń múddelerin ózara qurmetteýdi, sondaı-aq óńir­lik jáne kontınenttik qaýipsizdik júıelerine súıenýdi kózdeıtinin aıtty.

Sonymen qatar Qazaqstan men Ortalyq Azııa óńiriniń halyq­aralyq qaýipsizdikti qamtamasyz etý isine úles qosatyn birqatar baǵytyn atap ótti. Sonyń ishinde terrorızm men ekstremızmge qar­sy turý, jappaı qyryp-joıý qarýyn taratpaýdyń jahan­dyq rejimderin nyǵaıtý, janjaldy tómendetýdiń kepili re­tinde óńirlik ıntegrasııany il­geriletý sharalaryna nazar aýdardy.

Budan bólek, aqparattyq qaýipsiz­dikti qamtamasyz etý sala­syn­­daǵy halyqaralyq yn­ty­maq­­­­tastyq máselesi qaras­ty­ryldy. Sonymen qatar ShYU men TMD-ǵa múshe memleket­ter­diń Qaýipsizdik Keńesteri hatshylarynyń beı­­­res­mı kezdesýleri ótti.

Forým aıasynda Ǵızat Nurdáýletov birqatar sheteldik árip­testerimen kelissózder júrgizip, ózara yqpaldastyq máselelerin qarastyrdy.