Forým sessııalary turaqty damý men ekologııalyq jaýapkershilik, tehnologııalyq ınnovasııalar, ekonomıka jáne qarjy sııaqty keń aýqymdy máselelerdi qamtıdy. Bul taqyryptar bizdiń kásibı múddelerimizge tolyq saı keledi. Halyqaralyq ekonomıkaǵa ıntegrasııalaný, óndiriste ınnovasııalar men sıfrlyq tehnologııalardy engizý – bizdiń basty basymdyqtarymyz. Osy mindetterdi sheshý joldaryn izdeıtin forýmǵa qatysý biz úshin qundy tájirıbe boldy.
Búginde Stepnogorsk podshıpnık zaýyty qýatty óndiristik keshen men Eýrazııalyq ekonomıkalyq odaq (EAEO) elderindegi jetekshi podshıpnık óndirýshileriniń biregeıine aınaldy. Biz mashına jasaý salasyndaǵy álemdik iri kompanııalardyń tájirıbesine súıene otyryp, óndiristi jańǵyrtýdy jalǵastyryp kelemiz. Jetkizý geografııamyz Eýropany, EAEO elderi men Afrıkany qamtıdy. Degenmen keńeıý úshin áli de aıtarlyqtaı áleýet bar. Forým alańy halyqaralyq yntymaqtastyqty damytý men jańa seriktestik baılanystar ornatýǵa zor múmkindik beredi.
Aleksandr Moskalenko,
«Stepnogorsk podshıpnık zaýyty» AQ dırektorlar keńesiniń tóraǵasy
