Foto: Qyrmyzy Jumaǵalıqyzy
Mınıstrliktiń habarlaýynsha, jyl basynan beri Jambyl oblysynda medısınalyq standarttardyń óreskel buzylýyna baılanysty eki adam kóz jumǵan. Tekseris barysynda jekemenshik medısınalyq uıymdardyń keıbirinde shuǵyl kómek kórsetýge qajetti lısenzııalar men sharttardyń joqtyǵy, dári-dármek saqtaý talaptarynyń buzylǵany anyqtalǵan.
«О́ńirde qoǵamdyq monıtorıngtik toptar quryldy. Júrgizilgen tekserýlerden keıin olar medısınalyq kómek kórsetý standarttaryn buzatyn 133 emshara kabınetin anyqtady. Jospardan tys tekserýlerdiń nátıjesinde 14 emshara kabınetine jalpy somasy 2,1 mln teńgege ákimshilik aıyppul salyndy, 51 kabınet óz erkimen jumysyn toqtatty, 68 mekemede tekserýler jalǵasýda», dep habarlady MFBK Jambyl oblysy boıynsha departamentinde.
Osyǵan uqsas jumys Qazaqstannyń basqa óńirlerinde de júrgiziletin bolady.
