ASTANA. 6 mamyr. Búgin tańerteń Astanaǵa Pavlodar, Jambyl, Qyzylorda jáne Aqtóbe oblystarynan Uly Otan soǵysynyń ardagerlerinen quralǵan delegasııa keldi. Bul týraly egemen.kz tilshisi habarlady.
Budan keıin Almaty qalasynan, Almaty, Aqmola, Aqtóbe, Mańǵystaý jáne Batys Qazaqstan oblystarynan Uly Otan soǵysyna qatysýshylar keledi dep kútilýde.
5 mamyr kúni keshki avıareıspen elordaǵa kelgen alǵashqy qonaqtar Atyraý oblysynyń soǵys ardagerleri bolatyn. Olardy áskerı mýzykanttar jáne armııa generaly Saǵadat Nurmaǵambetov atyndaǵy «Jas ulan» respýblıkalyq mektebiniń tárbıelenýshileri saltanatty túrde qarsy aldy.
«Qanshama jyldar ótse de Uly Otan soǵysyna qatysýshylardyń esinde surapyl soǵys jyldarynyń estelikteri máńgi qaldy. Biz Uly Jeńistiń 70 jyldyǵyn merekeleýge keldik. Jastardyń júz myńdaǵan adamnyń qanymen kelgen jeńisti, beıbitshilikti kóziniń qarashyǵyndaı saqtap, baǵalaıtynyn kórý bir ǵanıbet», dedi Atyraý oblysy aýdandyq ardagerler keńesiniń tóraǵasy О́tep Nurıev.
Áskerı paradqa jáne merekelik is-sharalarǵa qatysý úshin elimizdiń 14 oblysy men Almaty qalasynan jalpy sany 244 ardager, sondaı-aq Astanada turatyn 16 Uly Otan soǵysynyń ardageri shaqyryldy.
7 mamyr kúni ótetin áskerı paradtan keıin ardagerler saltanatty qarsy alý rásimine, «Qazaqstan» ortalyq konsert zaly men «Astana opera» balet teatrynda ótetin merekelik konsertterdi tamashalaıdy. Sonymen birge Otan qorǵaýshylar monýmentine gúl shoqtaryn qoıyp, Qazaqstan Respýblıkasy Ulttyq mýzeıi, «Báıterek» monýmenti, «Atameken» Qazaqstan kartasy» etno-memorıaldyq kesheni, «Haziret Sultan» meshiti men basqa da kórikti jerleri aralaıdy.
Sodan keıin Astana, Almaty qalalary men Qaraǵandy, Pavlodar, Almaty jáne Ońtústik Qazaqstan oblystarynan alty ardager Jeńistiń 70 jyldyǵyna baılanysty mereıtoılyq paradqa qatysý úshin Reseıdiń Máskeý qalasyna attanady.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
