2017 jyly Dýbaıda 100 paıyz kún kózinen qýat alatyn qonaq úı ashylady

ASTANA. 6 mamyr. Birikken Arab Ámirlikterinde elektr energııasyn 100 paıyz kún batareıalary arqyly alatyn qonaq úı ashylady. Atalǵan keshendi 2017 jyldyń birinshi jartysynda ashý josparlanǵan. Bul týraly Inter Continental Hotels Group (IHG) kompanııasynyń resmı saıtyna silteme jasap, 24today.net habarlady. Indigo dep atalatyn qonaq úı 170 bólmeden turady. Sondaı-aq, jańa keshen IHG kompanııasy tobynyń múshesi. Atalǵan nysannyń taǵy bir ereksheligi, barlyq aǵyn jáne qaldyq sýlar tolyǵymen qaıta óndeledi. Qonaq úı eldiń iri qalasy – Dýbaıdyń tynysh aýdandarynyń birinde salynbaq. Jobany júzege asyrýshylardyń negizgi maqsaty – maksımaldy ekologııalyq taza qyzmet kórsetý. Qurylys jumystarymen aınalysýshy kompanııanyń atqarýshy dırektory Farıs Saıd qonaq úıdiń qalalyq elektr jelisine qosylatynyn aıtty. «Bul kún batareıalary arqyly alynǵan qýat kózi artylǵan jaǵdaıda, sol jeli arqyly ózge nysandarǵa satý úshin kerek. Mundaı tájirıbe elektr energııasynyń baǵasyn shamamen 25-30 paıyzǵa arzandatady», – deıdi Farıs Saıd. Búginde IHG tobyna BAÁ-degi 18 qonaq úı múshe. Aldaǵy 5 jyldyń ishinde kompanııa taǵy osyndaı 10 qonaq úı ashýdy josparlap otyr. Jalpy, Inter Continental Hotels Group franshızi boıynsha álemde 4 800 qonaq úı bar ekenin aıta keteıik. Elaman Qońyr. Derek: 24today.net. Sýret: pozitiv-news.ru.