О́ndiristi ornalastyrý úshin óńirdiń ındýstrııalyq aımaqtary men Saýran aýdany tańdaldy. Jańa zaýyt oblystyń eń zamanaýı jáne tehnologııalyq kásiporyndarynyń biri bolady.
Investor jobaǵa shamamen 290 mıllıon AQSh dollaryn salýdy josparlap otyr. Kásiporyn qurý 150-ge jýyq jańa jumys ornyn ashýǵa jáne óńirlik ónerkásipte jańa baǵyttardy damytýǵa múmkindik beredi.
- Biz ınvestorǵa jan-jaqty qoldaý kórsetýge daıynbyz. Bul jaı ǵana joba emes, bolashaqqa jasalǵan qadam. Túrkistan oblysy joǵary tehnologııalyq óndiristi damytýǵa múddeli. Mundaı zaýyt aımaq ekonomıkasyna aıtarlyqtaı úles qosady, - dedi Túrkistan oblysynyń ákimi Nuralhan Kósherov.
Kompanııa ókilderiniń aıtýynsha, kásiporyn azamattyq jáne mamandandyrylǵan tikushaqtar men drondar shyǵarady. Olardy logıstıkada, aýyl sharýashylyǵynda, týrızmde, ınfraqurylymdy baqylaýda jáne basqa salalarda paıdalaný josparlanýda.
Joba shaǵyn avıasııanyń qarqyndy damyp kele jatqan naryǵyna baǵyttalǵan — ushý apparattary 3000 metr bıiktikke kóterile alady. Tehnıka qala ishinde tasymaldaýǵa, júkterdi drondarmen jetkizýge, shuǵyl kómekke, sondaı-aq aýyl sharýashylyǵy men ónerkásipke qoldanylady.
Túrkistan oblysynyń aýmaǵynda qazirdiń ózinde 15 ındýstrııalyq aımaq, sondaı-aq 4000 gektardy qamtıtyn "TURAN" arnaıy ekonomıkalyq aımaǵy jumys isteıdi. Investorlarǵa salyqtyq jeńildikter beriledi jáne barlyq máseleni tez sheshý úshin "bir tereze" júıesi jumys isteıdi.
Sońǵy úsh jylda oblysta qytaı kapıtalynyń qatysýymen 110 mıllıon dollarǵa tórt joba júzege asyryldy. Qazir mıllıard dollardan asatyn taǵy jeti joba iske asyrylýda.
