Búginde onyń shaǵyn kásibi aýylǵa keletin týrısterdi qabyldaıtyn qolaıly ári qoljetimdi demalys ornyna aınaldy. Tabıǵaty kórkem Katonqaraǵaıǵa qyzyǵýshylyq tanytatyn qonaqtar úshin bul úlken múmkindik. Kásipkerdiń bastamasy tek jeke tabys kózi ǵana emes, jergilikti ekonomıkany jandandyrýǵa da úles qosyp otyr.
Qonaq úı kórsetetin negizgi qyzmet túrleri: qonaqtardy qabyldap, jaıǵastyrý; jaıly jáne qaýipsiz demalys ornyn usyný; bólmelerdi tazalaý, tósek-jabdyqtardy aýystyrý; tańǵy as jáne qajet bolǵan jaǵdaıda ulttyq taǵamdar ázirleý; týrısterge jergilikti baǵyttar men kórikti oryndar týraly aqparat berý.
Baýyrjan Ýalhanov bul jobanyń ózi úshin qanshalyqty mańyzdy bolǵanyn atap ótti:
«Aýyl amanaty – kásip bastaımyn degen azamattarǵa úlken múmkindik. Osyndaı qoldaýdyń arqasynda men óz armanymdy iske asyryp, týǵan aýylymda týrızmdi damytyp jatyrmyn. Bul baǵdarlamanyń shynaıy kómegin kórip otyrmyz. Eldi mekenderdi damytýǵa baǵyttalǵan mundaı bastamalar kóp bolsa eken», deıdi ol.
Katonqaraǵaıdyń kórkem tabıǵaty men taza aýasy ishki týrızmniń mańyzdy baǵyttarynyń biri. Ýalhanovtyń bastamasy – bul óńirde týrızmniń áleýetin arttyrýǵa baǵyttalǵan jarqyn úlgi.
«Aýyl amanaty» baǵdarlamasy – aýyl turǵyndarynyń ál-aýqatyn arttyryp, eldi mekenderde jańa jumys oryndaryn ashýǵa jáne óńirlik ekonomıkany ártaraptandyrýǵa baǵyttalǵan mańyzdy joba. Ýalhanov Baýyrjan syndy belsendi azamattardyń arqasynda bul baǵdarlama óz nátıjesin berip keledi.
