Merekege oraı Atyraýǵa barǵan Aýyl sharýashylyǵy vıse-mınıstri Amanǵalı Berdalın Premer-Mınıstrdiń quttyqtaýyn jetkizdi. Eńbek ozattary marapattaldy: respýblıka boıynsha 13 adam «Eńbek sińirgen qyzmetker», 21 adam «Minsiz qyzmeti úshin» tósbelgisine, 25 adam mınıstrdiń Qurmet gramotasyna ıe boldy.
Saltanatty is-shara aıasynda jańa tehnıka men kólikter berilip, balyq ósirý fermalary men óńdeý kásiporyndarynyń ónimderi tanystyryldy. Elde 12 myńnan astam adam jumys isteıtin salada 1340 sharýashylyq bar. Jyl saıyn 45 myń tonna balyq aýlanyp, 600-den astam sharýashylyqta balyq ósiriledi. 2024 jyly 74,7 mln dollardyń balyq ónimi eksporttalǵan.
