Foto: Reuters
Sot Imamoǵlýdy Stambýl prokýroryn jurt aldynda balaǵattap, qorqytqany úshin kináli dep tapty. Dese de aıyptalýshy óz kinásin moıyndamaı, «Men sot júıesin teris paıdalanýmen jáne ony saıası qural retinde paıdalanýmen kúrestim. Bul shyn máninde ultymyzdy qorlaý», degen pikirin aıtyp saldy.
Istiń qozǵalýyna Ekrem Imamoglýdyń Stambýldyń bas prokýrory Akın Gúrlekke jazǵan, mazmuny belgisiz málimdemeleri sebep bolǵan. Bul is ákimniń 2025 jyldyń qańtarynda jasaǵan málimdemelerine qatysty ekeni habarlanǵan.
Aıyptaýshy tarap Imamoglynyń saıası belsendiligin shekteı otyryp, kem degende eki jyl segiz aıǵa bas bostandyǵynan aıyrylýdy talap etti. Sot úkimimen ol 1 jyl 8 aıǵa qamaldy.
Aıta keteıik, Túrkııadaǵy prezıdenttik saılaý 2028 jylǵa josparlanǵan, alaıda oppozısııa ony merziminen buryn ótkizýdi talap etken bolatyn. Keıinnen partııa tóraǵasy Ozgıýr Fazel merziminen buryn saılaýǵa qol jınaý jónindegi jalpyulttyq naýqannyń bastalǵanyn habarlaǵan. Álemdik BAQ Ekrem Imamoǵlý eldiń qazirgi prezıdentiniń basty qarsylastarynyń biri bolǵanyn atap ótip jatyr.
