Tostaǵan

Sálem berip tabaldyryq­tan attaǵanbyz. Qushaq jaıa qarsy aldy. Nemere aǵamnyń shańyraǵy. Shaıǵa otyrdyq. Bul kúnde aýyl baqýatty. Erinbeı jumys istegenderiniń eńsesi bıik. Úı ishi, jıhazy, ydys-aıaǵy tegis jańarǵan. Jıegi altyn tústes boıaýmen árlengen shaı kese. О́zge ydys­tary da jarqyraı jaınap tur. Al, men ájemniń kózindeı bolyp kórinetin, bul kúnde jıekteri synyp, óńi qashqan aǵash tostaǵanmen ishkim kel­geni. Bala kúnimizde ájem eski esteligin jyr qy­lyp aıtatyn. Aq qashyp, qyzyl qýǵan alasapyranda panalaıtyn jer izdep bizdiń áýlet ishke kóshse kerek. Bizdiń jaqtyń adamdary ish dep Sibirdiń qalyń ormanyn, Omby, Qorǵannyń mańaıyn aıtady. Nege ish dep ataıtyndyǵyn áli kúnge deıin túsinbeımin. Alasapyran sál tıyshtalǵan soń elge qaıtqan. Túgel, taıly-taıaǵymen. Jaz ortasy aýa atajurtqa jetse kerek. Úı salyp úlgermegen. Saman kirpishten qalqaıtyp jertóle salypty. Eki bólmeli. Eki bólmelisi ánsheıin sóz, anyǵynda bir bólme, ortasy peshpen bólingen. Bergi jaǵyn­da as-sý, kıim-keshegi. Úlken bólmede tórt otbasy jaıǵasqan. Úlkendermen qosa shúpirlegen qyzyl qaryn jas bala. Ájem aıtatyn, sol kezde bir shyń etken dybys shyqpaıtyn. Yntymaq, birlik. Bútin bıdaıdy bólip, jar­ty bıdaıdy jaryp jegen.­ Osy tostaǵanmen ólsheı­tin edim deıtin bizdiń ­keıýana. Sol sátte meniń kózime ájem­niń ýysyna syıyp ke­te­tin kishkentaı tosta­ǵan­nyń ishinde jarym dúnıeniń be­re­kesi shúpildep turǵandaı kórinetin.
Tostaǵanǵa qarap otyryp esime jamaǵaıyn Jádiger­diń basyndaǵy hál túsken. О́zi alys ta emes, kórshi turady. Eki qabatty kottedj úıde. Túneý­kúni kenje balasy bólek shy­ǵaıyn dep jat­qanyn aıtyp, renjip otyr edi. Bir úıde tórt-aq jan. Jádi­ger men jeńgem, balasy men kelini. Boldy, bitti. Kelin­niń qabaǵyna qarap kisi aıaǵy da tıylǵan. Burynǵy bereke bókken aýyldyń tirli­gin jastar bile bermeıdi. Eki qabatty úıge syımaı otyr­ǵan sebebi, búgingi jas­tar burynǵynyń beınesin kór­megen. Ájemnen qalǵan tos­ta­ǵandy aparyp bermek bol­dym. Ańyz, ańyz emes, shyn­dyq esteligimen birge. Bálkim, túsiner.