Foto: Ashyq derekkóz
Memlekettik aıyptaýshy Arman Kazekenniń málimdeýinshe, Perızat Qaırat ózine taǵylǵan aıypty moıyndamaǵan. Ol sotta qarajatty bank arqyly emes, qolma-qol túrde Palestınaǵa aparǵanyn aıtyp, bulaı jasaý arqyly halyqaralyq aýdarymnyń áskerı qaqtyǵysty qarjylandyrý retinde qabyldanýynan qaýiptengenin túsindirgen.
«Perızat Qaırat shetelge jıi shyǵýyn osy sebeppen baılanystyrsa da, bul saparlar Birikken Arab Ámirlikterinde jasalǵan qymbat satyp alýlarmen qatar júrgen», dedi prokýror Arman Kazeken.
Tergeý derekteri boıynsha, Perızat Qaırat pen onyń anasy azamattardan Palestına halqyna gýmanıtarlyq kómek retinde jınalǵan 559 mln teńgeni jymqyrdy dep aıyptalyp otyr.
Aıyptaýshy tarap qarajattyń zańdastyrýy Rebel Flowers gúl dúkenin satyp alý arqyly júrgizilgenin alǵa tartqan.
Sot prosesi jalǵasyp jatyr.
