Mınıstrdiń aıtýynsha, ár bilim berý uıymy Bilim kúnine arnalǵan saltanatty jıyndy qashan ári qalaı ótkizetinin óz betinshe sheshedi. Mundaı sheshim Konstıtýsııa kúnine baılanysty qabyldanǵan. Atap aıtqanda, 30 tamyz Konstıtýsııa kúni bıyl senbige sáıkes keledi. Osyǵan oraı, demalys kúni 1 qyrkúıek, dúısenbige aýystyrylady. Sáıkesinshe, bul kún resmı demalys bolyp esepteledi.
Sabaqtar 2 qyrkúıekte bastalady. Al merekelik jıyndar men oqýshylarǵa arnalǵan alǵashqy sabaq «Adaldyq saǵaty», «Bilim sabaǵy» syndy is-sharalar mektepterdiń ishki josparlaryna qaraı ne 1 qyrkúıekte (demalys kúnine qaramastan), ne 2 qyrkúıekke aýystyrylyp ótkiziledi.
«Bıylǵy oqý jyly erekshe jaǵdaıda bastalǵaly tur. Bilim kúni resmı demalysqa sáıkes kelgendikten, mektepterge merekelik is-sharalardy ótkizý tártibine baılanysty erkindik berilip otyr. Ár mektep óz dástúri men múmkindigin eskere otyryp, saltanatty jıyndy qaı kúni ótkizetinin ózi sheshedi. Bul – ata-analar men oqýshylardyń yńǵaıyna qaraı beıimdelýge múmkindik beredi», dedi Ǵanı Beısembaev.
