Foto: okg.kz
Odan bólek, byltyr 22 oblystyq perınataldyq ortalyq quramynda «Uryqty qorǵaý ortalyqtary» qurylyp, onyń quramynda júkti əıelderge kórsetiletin medısınalyq kómektiń qoljetimdiligin arttyrý maqsatynda «Bir kúndik klınıka» uıymdastyrylǵan. Onda 100 myńnan astam júkti áıel 500 myńǵa jýyq tekserýden ótip, nətıjesinde uryqtyń damý aqaýlaryn erte anyqtaý 13%-ǵa artty.
Densaýlyq saqtaý mınıstri Úkimet otyrysynda sondaı-aq elimizde alǵash ret «Fetaldy medısına» ınnovasııalyq tehnologııasy engizilip jatqanyn atap ótti. Onyń kómegimen jatyrishilik 71 operasııa jasalyp, nátıjesinde 96 náresteniń ómiri saqtalyp qalǵan. Sonymen qatar bıyldan bastap emhanalarda pedıatrııalyq bólimsheler ashylyp, 100 damý jáne erte aralasý ortalyqtary jasaqtalǵan.
Shalǵaıdaǵy aýyldyq mekenderde turatyn erekshe kútimdi qajet etetin áıelder úshin «Salamatty Ana» pansıonattary ashylyp jatyr. Olar táýekeli joǵary qaýip tobyndaǵy júkti áıelderdi aldyn ala emdeýge jatqyzýǵa, sondaı-aq qıyn bosanýdan keıingi kezeńde áıelderdi ońaltýǵa arnalǵan. Búginde mundaı pansıonattar Túrkistan, Shyǵys Qazaqstan, Aqmola oblystarynda jumys istep tur. Basqa óńirlerdiń ákimderine jyl sońyna deıin oblys ortalyqtarynda osyndaı pansıonat ashý usynylyp otyr.
