Taldyqorǵanda Muqaǵalı Maqataev atyndaǵy músháıra ótti

TALDYQORǴAN. 7 mamyr. Qalada osymen besinshi ret «Poezııa menimen egiz be ediń» atty Muqaǵalı Maqataev atyndaǵy dástúrli respýblıkalyq jazba aqyndar músháırasy  bolyp  ótti. Bul týraly egemen.kz tilshisi habarlady. Músháırany Almaty oblysy ákiminiń birinshi orynbasary Mahabat Bıgeldıev ashyp, quttyqtaý sóz sóıledi. Maqsaty - memlekettik tilimizdiń mártebesin arttyrý bolǵandyqtan oblys ákiminiń arnaıy júldesi taǵaıyndalypty. Poezııa áleminde ózindik qoltańbasy bar Muqaǵalı Maqataev – qasıetti Hantáńiriniń etegindegi Qarasaz aýylynda týyp, qazaq poezııasynyń asqar shyńyna shyqqan dara tulǵa. Aqynnyń óleńderin oqymaıtyn qazaq kemde-kem. Aqıyq aqynnyń shyǵarmalary arqyly memlekettik tildiń mártebesin kóterý, jastardy ádebı sheberlikke baýlý, jas talantty aqyndardy taný maqsatyndaǵy bul sharanyń mańyzy óte zor. Bul   baıqaýda ózge oblystardan - 17, Jetisý jerinen - 3 úmitker, barlyǵy 20 jas aqyn óz baǵyn synady. О́nerge qashanda qurmet kórsetýden tanbaıtyn qazaq aqyndardyń óleń oqý sheberligin baǵamdap qana qoımaı sol jas aqyndardyń Muqaǵalı arýaǵyna bas ıip, táý etip, rýh ala julqyna óleń oqýǵa degen umtylysyna erekshe iltıpat tanyta bildi. Al poezııa tilin jetik meńgergen «Muqaǵalı» jýrnalynyń bas redaktory Batyq Májıtulymen respýblıkamyzǵa tanymal aqyn - Almaty oblystyq tilderdi damytý jónindegi   basqarmasynyń bastyǵy Ahmet Kendirbekuly bastaǵan tóreshiler óz baǵalaryn berdi. Jón. О́ıtkeni, bul báseke. Bireý jeńip, ekinshiler óz osaldyǵyn moıyndaýy shart. Bile bilsek, bul poezııanyń bir ereksheligi. Sonymen, aqyn, Qazaqstan Jazýshylar odaǵy basqarmasy tóraǵasynyń orynbasary, memlekettik «Daryn» jastar syılyǵynyń laýreaty, qazylar alqasynyń tóraǵasy Janarbek Áshimjan «Poezııa, menimen egiz be ediń?» atty jazba aqyndar músháırasynyń bas júldesin Almaty qalasynan kelip jyr dodasyn jaryp shyqqan Sherhan Talapqa tapsyrdy. Baıqaý jeńimpazdaryna dıplomdar, qarjylaı syılyqtar jáne múshaıraǵa qatysýshylardyń barlyǵyna Alǵys hattar berildi. Taǵy bir kózaıym habar 2011-2015 jyldar aralyǵynda ótken respýblıkalyq músháıralarǵa qatysqan aqyndar óleńi toptastyrylyp, kitap shyǵatyn bolady. Nurbol Áldibaev. Derek, sýret: egemen.kz