Batys Qazaqstan oblysynyń ákimi Narıman Tóreǵalıev, basqarma basshylary, shyǵarmashylyq zııaly qaýym ókilderi, stýdentter men oqýshylar qazaq halqynyń uly perzentine taǵzym etti.
Saltanatty sharada Narıman Tóreǵalıev Abaıdyń rýhanı murasynyń qazirgi jáne bolashaq urpaq úshin baǵa jetpes baǵdar ekenin atap ótti:
«Abaı Qunanbaıuly – danalyqtyń, adamgershiliktiń jáne bilimge umtylýdyń sımvoly. Onyń sózi men ıdeıalary búgin de ózekti, bizdi órleýge, ulttyq rýhty nyǵaıtýǵa jáne mádenı qundylyqtardy saqtaýǵa shabyttandyrady», — dedi N. Tóreǵalıev.
Sonymen qatar, saltanatty jıynda aımaq basshysy jýyrda Semeı qalasynda ótken marafonda top jarǵan oraldyq sportshynyń jeńisin de atap ótti. Narıman Tóreǵalıevtiń aıtýynsha bul jetistik – óńir jastarynyń tabandylyǵy men jeńiske degen jigeriniń aıqyn kórinisi, uly oıshyldyń kúlli dalamyzǵa ortaq ekeniniń aıǵaǵy.
Is-shara barysynda qatysýshylar uly oıshyldy bir mınýt únsizdikpen eske alyp, eskertkishine gúl shoqtaryn qoıdy.
О́ńirdiń shyǵarmashyl jastary Abaıdyń óleńderin oqyp, oblystyq fılarmonııa ártisteri onyń belgili mýzykalyq shyǵarmalaryn oryndady.
